Showing 19241 to 19245 of 30393 results

The samyn dai the Aldirman ballies counsale and communite beand gadirit in the tolbuthe be oppyn warning of the bel and common belman passand diuers' tymes thruch al the toune . Riply avisit for profitabil caus' concerning thaim and specialy for the payment of fourty merkis of taxt set apon the toune for contribucion til the expens' of ane ambaxate past in Ingland for gude of pees' nocht lang syne / has giffin and grantit the office of common clerkschip of this burgh of Abirdene quhat tyme it sal happyn to vaik

ID: ARO-6-0916-09, Volume: 6, Page 916, Date: 1485-04-18

The xix dai of aprile yer' of god et cetera lxxxv / Wat thomson was adiugit in ij amerciamentis for the wrangwis' breking of Wil grais wal / and for strublance of androw murra eldar and til amend as law wil et cetera

ID: ARO-6-0917-01, Volume: 6, Page 917, Date: 1485-04-19

cadiow The xx dai of Aprile the yer' of god et cetera lxxxv the ballies has warnit and chargit Alexander of chavmer aldirman and John' of Knollis tocompere before thaim on monundai the xxv dai of this instant aprile til answer' at the instance of mastir Androw cadiow anent ane obligacion producit in Jugement as law wil et cetera

ID: ARO-6-0918-01, Volume: 6, Page 918, Date: 1485-04-20

The xxv dai of the said moneth of aprile / the action persewit be maistir Androw cadiow againis Alexander of chavmer aldirman Jhone of Knollis alexander of chamer the son and vmquhile Dauid colison' twiching ane obligacion of warrandice of ane half nettis fisching of the Raik / Is continuit becaus' this dai was nocht lachful / quhil Wednisdai the xxvij dai of this instant moneth of aprile / And the ballies has gert warn bath the saidis parties tocomper' before thaim the said dai / for the ministracion of Justice in the said matir eftir the tenour of our' Souerane lordis lettrez

ID: ARO-6-0918-02, Volume: 6, Page 918, Date: 1485-04-25

In the court haldin be Alexander rede and androw branche twa of the ballies of abirdene in the tolbuthe of the samyn the xxvij dai of aprile the yer' forsaid / Comperit maistir Androw cadiow and present our Souerane lordis lettres direct to the ballies for the ministracion of Justice anent ane half nettis fisching of the Raik on the wattir of Dee / clamit be the said maistir androw tobe warandit / til him / be Jhone of Knollis / vmquhile Dauid colisone / Alexander chavmer eldar and alexander chavmer his son' be ane obligacion producit in Jugement be the said maistir androw The quhilkis Johne / alexander and alexander warnit and comperit at the instance of the said maistir Androw toanswer' til the said obligacion thai beand inquirit be the saidis balyeis of the warrandis' of the said half nettis fisching clamit be the said mastir Androw in Jugement / denyit the warrandis' of the said half nettis fisching be vertu of the said obligacione and offerit thaim til vndirly the decision of ane assise tharanent before thar Jugis ordinar' / And bath the parties removit / the hail court of the best and worthiast of the toune present for the tym inquirit seueraly be morice besat and philp of Dunbrek seriandis / quhethir the said action debatabil suld be put to the determinacion of ane assise or nocht / the quhilkis avisit decretit and deliuerit / that the said action suld be put til the knaulage of ane assise before the saidis ballies / And thareftir the said action was put til ane assise of thir personis vndirwritin that is tosay / James lesly William blindsel Jhone Wormot thomas prat Adam of crafurd Dauid mathoson' alexander the hay Dauid symson Jhone stevinson William moyses James craik gilbert the vaus thomas marr' Robert prat and Sym of gardyn / And James lesly forspekar for the assis' inquirit at maistir Androw cadiow gif he had ony maa lettres or evidentis than the said obligacion concerning the said action the quhilk maistir Andro opinly declarit / that he had na mare lettres nor evidentis vppon that matir And in like wis' the saidis alexander of chamer eldar Jhon' of Knollis and alexander chamer the sone / opinly declarit that thai had nor wyst of na lettres nor evidentis belanging the said caus' / The quhilk assise the gret aith sworn in presence of the parties has continuit this action to this dai viij dais the ferd day of maij / quhil thai haf commovnit with certane personis of the quhilkis bath the parties ar' content et cetera

ID: ARO-6-0918-03, Volume: 6, Page 918, Date: 1485-04-27