cera the aldirman and consale has ordanit for amendis of the strublance of Jhone glenmalvin made be Sym of gardyn / that the said Sym sal pay to the mastir of the kirk wark x s' tobe deliuerit to the organar' / and j li' wax to the haly blude licht
The secund day of maij the yer' of god et cetera lxxxv Alexander chavmer seriand comperit before the ballies in Jugement and of his awne free wil has resignit and owyrgevyn his said office of seriandry for this yere
the samyn dai the assise beforewritin except Jhon' Wormot / and to thaim ekit Jhon' of culan and Walter achnefe desirit be the assise togif thaim consel the gret aith sworn and riply avisit / has decretit and deliuerit be the mouthe of James lesly forspekar / that the obligacione producit be maistir Androw cadiow / anent the clame of warrandis' of ane half nettis fisching of the Raik / is nocht complete and sufficient to bynd the personis that maistir Androw cadiow requiris
thomas symson f. fores The xxj day of maij the yer' forsaid In presence of Dauid menyes and Alexander rede twa of the ballies of the burgh of abirdene Thomas symson and fyndlau fores burgez of the said burgh has fundin souerty to the said ballies the said thomas for him self / his hand land and gudis / and the said fyndlaw for him Robert blindsel Ilkane of thame for fyve pundis for a schip that was prysit be man of leith for the some' of ten pundis that is tosay James levingston' Jhon andirson and James talyour with vthiris the gret aith sworn prysit hir for the said some' / and deliuerit that before the said ballies quhilk schip was arrestit be the kingis lettres at the instance of the erle of ergile and ordanit tobe prysit be the samyn lettrez . And fyndlau fores is oblist toreleve Robert blindsel and tokepe him scathles of the said souerty be his hand land and gudis
The penult day of maij the yer' et cetera lxxxv Al and sindry merchandis that had gude and merchandis' in peter crawis schip quhilkis ar withhaldin beyond the sey / has consentit and grantit that Dauid menyes balye and alexander trayl pass' to the feyr or ony vthir place that the gudis ar in for the recovering of the said gudis and the inbringing of the samyn and todo thare deligence and labouris tharfor lelely and treuly for the profite of the said merchandis And the saidis Dauid and alexander salbe rewardit be the saidis merchandis ilkane pund / pundlike eftir as thare gudis extendis to / And gif thare labouris and expens' be gret / thai salbe rewardit thareftir / and gif thare labouris and expens' be smal tharin / thai salbe rewardit in siclike wys' thareftir