Item sande prat and Johne of lammynton' ilkane in amerciament for strublance of vthir in word
the assise has ordanit Wil of benyn tocontent and pay Rob huntar of his mail xvj s' within terme of law and he is in amerciament for the wranguis' halding tharof
Alexander of marr' has fundin gilbert the vaus law borgh for him and his servandis that Dauid marr' and his seruandis salbe vndistrublit vthirwais than be way of law et cetera
magister ricardus crafurd the samen dai in presence of the aldirman and ballies maistir Richard of crafurd was oblist to bring sufficent quittance of Wille rede of ellis suffisant document that he has payt to Wille rede xij s' g' / betuix this and lammes / and that done / he salbe dischargit of the some And gif he falyeis in the production of the quittance or document as said is he sal pay the said some' of xij s' g' to Androw rede of badfothellis
The xxij dai of Januar' yer' of god et cetera lxxxiiij It is ordanit be the aldirman and consale that Robert bughan sal in tym tocum for the worschip of the toune and honeste of merchandis quhen and als' oft as he passis in flandris within four' daies eftir his cuming thare mak til him self ane new gowne and doublat accordand for him vndir the pain of j li' g' tobe rasit of him to Sanct Nicholace wark / and quhare ony four' of his nychbouris rydis in a cart / that he be fundin passand in the cart rychtsua vndir the said pain / And for the xxx g' pait be mastir Adam of gordon' parson of Kinkel for the hiring of a cart / thai haf ordanit the said Robert topay ten s' scottis assignit be the said mastir Adam to the organis