dominus W yung The xiij dai of Januar' the yer' of god et cetera lxxxiiij / the Aldirman consale and communite of abirdene for the obseruing and keping of thare actis made of before / and for the concord betuix ser Androw gray and ser Waltir young chaplanis anens the debate movit apon the altarage of Sanct michale / and for the emplesir' of my lord of erol and fulfilling of his request / with the consent of the said ser Androw gray / thai ordane and grauntis that the said ser Waltir salhaf four' merkis of the altar' of Sanct michel yerlie in pensioune ay and quhil he be promovit til ane chaplanry or seruice of ten merkis or aboue / and salbe maid sickir thar'of in the best and maist autentik fourme that can be deuisit And gif ser Androw gray makis the said ser Waltir sickir of the seruice of sex merkis quhilk he has at Sanct ninianis altar' or of ony vthir sex merkis for seruice tobe done be the said ser Waltir / the said ser androw salbe relevit and free of the said yerlie pension' of four' merkis And atour' the said ser Waltir salhaf of the toune the keping of the ferdyne and twa merkis yerlie tharfor . and als' of the common' gude of the toune yerly vthir twa merkis / and salhaf the common seil gevin til him tharuppon for sickernes quhil he be promovit til ane seruice or chaplanry of ten merkis as said is And salhaf the common seil of the erast and first chaplanery that salhappin tovaik at the presentacion or gift of the toune of ten merkis or aboue And for this the said ser Walter is oblist toremain and mak seruice in the qvere daily at matynis hiemess' and evinsang / and sal nocht absent him tharfra withoute ane lachful or sufficent excusacion that salbe sene resonabil to the aldirman and consale of the toun And gif he at ony tym wilfully absentis him fra his seruice as said is withoute licence of the ton' and resonabil excusacion that be notourly knawin be the toune / than the said pensionis sal vaik and be at the disposicion of the giffaris . And the aldirman consale and communite forsaidis has ordanit and assignit the twa merkis yerlie for the keping of the ferding tobe pait to the said ser Waltir be the handis of the maistir of thare kirk wark being for the tym And the tuthir twa merkis tobe rasit yerlie of thare malis of Rubbislaw at twa vsuale termes of the yer' Witsunday and mertymes in wyntir be evinly porcionis et cetera
androw andirson The xx dai of Januar' before the ballies in Jugement Androw symson clamyt / androw andirson of xiiij s' g' quhilkis he has pait as souerty for him for half a barel of salmond / the quhilkis xiiij s' g' the said androw andirson has grantit topay til him within terme of law gif his fadir wil nocht mak payment tharof within the said terme
malcum of lesly convict / be the assise is adiugit in amerciament for the wranguis' strublance of Dauid marris seruand and til amend as law wil
J Wormot In the court haldin in the tolbuthe of abirdene be the ballies the xiiij dai of Januar' the yer' of god et cetera lxxxiiij The assise fand and deliuerit that Johne Wormot has rycht til j quartar of a half net of the Raik tane be William moyses fra gilbert vaus for the termes of the assedacion made til William moyses be gilbert vaus durand the termes of thre yeris tocum and eftir the tenour of the samyn assedacion
procuratorium The xviij dai of the said moneth of Januar' before androw branche ane of the ballies Dauid robertson in Dere has constitute Robert prat his procuratour to persew and recovir his swerd being in the handis of Wil of benyn promittand tohald ferm and stabil et cetera