Showing 19041 to 19045 of 30393 results

maistir a fife The x dai of Decembre the yer' of god et cetera lxxxiiij the Aldirman counsale and communite of the burgh of Abirdene beand gadirit in the tolbuthe of that ilk riply avisit considering the vacacione of the chaplanery and seruice of our' lady altar' in the parrischkirk of the said burgh be the disces' of ser Androw seres vmquhile chaplan of the samyn has gefin and grauntit the said chaplanery til a discrete man maistir Alexander of fife chaplane with al commoditeis annuale rentis fredomes and offerentis pertening til it for al the daies of his life / and ane presentacione tharuppon thai haf decretit and ordanit tobe made to the said maistir Alexander vndir the commoune Seil in deuly fourme / for the quhilk chaplanry he sal mak diligent ministracion in divine seruice acht and wount / and like as his predicessouris did of before et cetera

ID: ARO-6-0890-01, Volume: 6, Page 890, Date: 1484-12-10

the samyn dai before the donacion made til maistir Alexander fife of our' lady altar / the aldirman consale and communite ordanit the Act made til ser Walter yung of before tobe fulfillit and kepit eftir the tenour and fourme of the samyn

ID: ARO-6-0890-03, Volume: 6, Page 890, Date: 1484-12-10

procuratorium In the court haldin in the tolbuthe of abirdene be the ballies the xvj dai of Decembre the yer' forsaid / ser Johne of Kyd chaplan constitute and ordanit Alexander of chamer aldirman alexander of chamer the son Dauid Kintor and ser Johne striuelin coniunctlie and seueraly his procuratouris topersew lachfully his action againis James cvmyn for xx s' acht til him be the said James for the mail of a croft pertening til Sanct Johne the ewangelistis altar / promittand to hald ferm and stabil et cetera

ID: ARO-6-0890-04, Volume: 6, Page 890, Date: 1484-12-16

W blindsel Item the samyn dai William blindsel callit thrise be a seriand tocompere and schaw before the aldirman and ballies a more sufficent quittance and power than thom prat has anent the pension' of v merkis acht to the bischop of catnes as to the dai assignit til him tharupon / comperit nocht / quharfor lachful hour' of dai biddin It was decretit and ordanit be the consale / that David menyes ane of the ballies quhilk ressauit the said Williamis resignacion of his landis croftis and fisching sal ger mak penny tharof for the payment of v merkis tobe pait til thomas prat / because the said thomas producit sufficent and lachful power vndir instrument anent the ressate of the said v merkis of pension' and togif quittance of the samyn

ID: ARO-6-0890-07, Volume: 6, Page 890, Date: 1484-12-16

James craik convict be ane assise is adiugit in amerciament of the court for the wrangwis' biing of certane vnyonis fra copyn andreis skippar atour the aldirmanis goddispenny et cetera

ID: ARO-6-0890-02, Volume: 6, Page 890, Date: 1484-12-10