In the court haldin in the tolbuthe of abirdene be Johne colison and Dauid menyes twa of the ballies of the samen the xvj dai of nouember yer' et cetera lxxxiiij henry bawne was adiugit in amerciament for the wranguis' borgh strekin on Androw galichtly burges of Dundee of a curche of holand claith price xx s' and the said androw quyte of his challance throu his deposicion' made be ordinance of the assise
Alexander cardny and Robert his son convict be ane assise ar adiugit ilkane in amerciament for the wranguis' strublance of gilbert leche and til amend til him as law wil
The samen dai the assise deliuerit / that gif gilbert leche can prefe that his hors was fundin and riddin with alexander cardny or his seruandis / he is na strublar' of the said alexander / and gif he dois nocht / thai fynd him strublar' in word / And the ballies has assignit monundai cum viij dais to the said preif
Item William of tulidef law borgh for gilbert leche and his partie alexander cardny his barnis and partie salbe vnscathit vthirwais than law wil
The xix dai of nouember yer' et cetera lxxxiiij James craik callit as the secund dai to entir Johne andirson forstallar' of wol skyn and tapping of merchandis' in the cuntre for quhom he com souerty / comperit nocht / quharfor the seriand was commandit totak ane distres of the said James et cetera and towarn him til entir the said Johne this dai xv dais as to the thrid dai