It is ordanit be the counsale gif ather' of James crag and Duncan leis distrublis vthir in tym cuming beand convict tharof sal pay xl s' to Sanct nicolace wark vnforgevin
The xxiij dai of Septembre yer' et cetera lxxxiiij It is ordanit be the aldirman ballies and certane of the counsale for the strublance and offens committit be patrik chavmer againis henry bawne . that gif ony of thaim happinnis tomak ony sic strublans of vthir in tyme cuming sal pay v merkis to Sanct nicholace wark at the wil of the party to the quhilk ordinance the parties consentit Als' the aldirman pronuncit gif the said patrik strublit ony vthir nichbur' of this burgh in tym tocum he suld vndirly the samen payn
prefis producit be Alexander forbes in the actione debatabil betuix him and henry rede of Kincorth quhilkis sworn deponit and declarit / that the said henry rede oblist him be his hand topay to the said alexander forbes samekil fisch of Salmond as is contenit in ane act optenit apon him be Johne of Knollis for ane half nettis fisching of the fuyrdis to haf bein pait to the said alexander forbes be lammes last bypast for the quhilk the said alexander oblist him to distroy ane summons of our Soueran lordis made apon the said henry And atour the forsaidis Robert blindsel and thomas prat grantit that thai com souerty to henry rede tokeip him scathles of the said salmond anent Johne of Knollis and al vthiris swa that the said salmond had bene pait til alexander forbes at the said terme of lammes
Item Dauid marr' dedit thomam symson plegium legalem quod Johannes de culan in pars sua erunt indempnes de ipso David et parte sua ut supra / et quod comparebit dicto die Jouis ad instanciam dicti Johannis ut premittitur
J colison The samyn dai thomas of fife alexander rede gilbert the vaus Walter achneve gilbert morison alexander hay androw murray eldar Johne stewart Robert prat adam of crafurd Richart hil William of geruiach John' glenmaluin Ranald talyour and Dauid prat burgez of abirdene chosin and sworn in ane assise toknaw and declare quha is lachful possessour' of a croft callit the halylande debatabil betuix alexander menyes on the ta part and Johne colison on the tuthir partie / The quhilk assise riply avisit the euidentis richtis and documentis of the parties before thaim producit sene and considirit / has fundin decretit and deliuerit / that the said Johne colison is laghful possessour' of the said croft callit the halyland / and acht to remayn with his possessioun for ocht that thai haf sene in the contrare /