Item Janet fichet the spous' of thomas symson has constitute and ordanit John' of ruthirfurd aldirman and Dauid menyes yongar coniunctlie and seueraly hir lachful procuratouris in al causis and actionis concerning hir / and specialy anent the croft callit the halylandis quhilk is debatabil betuix hir and John' colison' promittand tilhald ferm and stabil et cetera
quelp the samyn dai William quelp in presence of the aldirman ballies and consale has renuncit and owyrgevin til Johne howisone al contractis tackis and condicionis made be the said Johne til him before this day . for xx s' tobe gevin be the said Johne til the vse of the said Wilyam / tharof xiij s' ar' ordanit be the aldirman and consel tobe deliuerit til Wilyam frostir for the releving of thom rolland . and vij s' til the said William And incontinent the key of John' howisonis' chavmer tobe deliuerit fra Wil quelp til Johne howison' he beand pait of the vij s'
The ix dai of Septembre the yer' forsaid Duncan straloch seriand grantit in presence of the aldirman and ballies that he intromettit with Dauid forbes at the instance of William blindsel quhilk desirit souerty of the said Dauid that he and his gudis suld be scathles of him vthirwais than law wald / And the said seriand is chargit be Androw culan ane of the ballies tocompere at the instance of William blindsel on tusdai next tocum
the samen dai James lesly Alexander menyes Robert blindsel and Dauid menyes yongar chosin and sworn in the action debatabil betuix patrik andirson and androw andirson thai sworne tovndirly thare deliuerance / quhilkis personis has decretit and ordanit that the said androw sal content and pay to the said patrik fyve merkis iiijor s' and ij d' at martymes next tocum . for the payment of the quhilk some' Robert blindsel is cumin dettour to the said patrik be his hand / And alexander marr' is cumin dettour to the said robert toreleve him of the said some' and topay it be the said day et cetera
J howison The vij dai of Septembre yer' et cetera lxxxiiij In the court haldin in the tolbuthe comperit Johne howison son' and ayr of vmquhile alexander howisone the quhilk of his awne fre wil and motife has oblist him be his hand . that he sal nothir sel wedset foremail nor analy . land or annuel not vthir mouabil gudis . for twa yeris tocum withoute the avise assent and consent of alexander rede and androw culan or ane of thaim forthir than to the neidful sustentacion of him self / quhilk salbe done be thare consel . And gif he sal happin todo in contrar heirof it salbe of nane avail force nor effect