Showing 18921 to 18925 of 30393 results

J howison The samyn dai the action debatabil betuix Dauid marr' procuratour for his modir / and alexander of marr' anent the twa croftis is continuit with consent of parties to thurisdai next tocum the quhilk dai the parties ar ordanit toproduce and schaw thare richtis as thai wil tyne and wyn and the corn is ordanit toremain on the grund in the mene tym

ID: ARO-6-0863-01, Volume: 6, Page 863, Date: 1484-09-06

Ja cvmyn Item the said dai comperand before the aldirman ballies and consale in Jugement James cvmyn grantit him awand til ser Johne striuelin chaplan of Sanct Johne the ewangelistis altar' ten s' of mail for a croft tobe pait to the said ser John' at mertymes next tocum

ID: ARO-6-0864-04, Volume: 6, Page 864, Date: 1484-09-15

J de marr' In the court haldin in the tolbuthe of abirdene be the ballies the xiij dai of Septembre yer' et cetera lxxxiiij Johne of marr' has constitute and ordanit Dauid marr' his procuratour topersew his richt and clame of the land and tenment the quhilk vmquhile John' of marr' his fadir inhabite / and in al actionis and querelis concerning him todo folou and defend as law wil like as he mycht do in propir persone / promittand tohald firm and stabil quhat thing his said procuratour lachfully ledis tobe done in his name

ID: ARO-6-0864-01, Volume: 6, Page 864, Date: 1484-09-13

The samen dai Johne cristisone Wil henrison and androw yung merchandis of Sanctandrois Johne colisone Dauid peblis Duncan of lyn and Johne eldar merchandis of saint Johneston' comperand in Jugement protestit / that thai fal into na pley betuix thaim . and the said Johne thomson thare skippar' . bot to ressave thare gudis and pay thare fraght And gif the schip be fundin be the law to pas to the havyn quhare scho was frachtit to / that scho sal fuyr thare gudis to the samyn havin on the said skipparis expens'

ID: ARO-6-0864-03, Volume: 6, Page 864, Date: 1484-09-15

The assise has ordanit Duncan stralogh seriand tomak marion' glennyis caldron' alsgude as quhen it was borowit fra hir and to quyte it oute incontinent and deliuer it til hir fra the man that has mendit it /

ID: ARO-6-0864-05, Volume: 6, Page 864, Date: 1484-09-15