J fichet Item the samyn dai Johne fichet has in likewise resignit his land liand in the ovirkirkgate besyde the land of vmquhile androw scherar' in the handis of thomas of fife ane of the ballies of abirdene to fulfil and kepe the deliuerance of the sworn assise that is tosay / gif the said John' rolyn bringis ane certificacion that the said Johne fichet sauld his part of the schip and is pait tharof / within yer' and dai forsaid . his said land salbe sald and demainnit in maner' and fourm before expremyt quhil the said Johne rolyn or his procuratouris be content and pait of al costis and scathis sustenit throu the arresting made be Johne fichet and this was done in presence of the witnez before nemmyt
ancram The xvj dai of Julij yer' et cetera lxxxiiij the consel and diuers' of the communite that is tosay Alexander of chamer alexander menyes James lesly Wilyam blindsel alexander marr' maistir androw cadiow androw culan thom prat adam of crafurd alexander forbes John' glenmaluin Wilyam malisson androw branche Walter achneve Johne menyes Johne more gilbert leche patrik adamson androw goldsmyth and vthiris / has feit Richert ancram mason' to Sanct nicolace wark for a yer' for twenty merkis of fee fra the day that Dauid menyes pait him the hender end of his fee of xx li' that he was feit for the yer' bigane / And thai haf ordanit the ten merkis that suld be gevin for alexander howison / tobe pait til the said richert ancram in his fie /
marr' balyeis quhilkis war present with him in Jugement in the tym tosell and til dispone apon the forsaid land quhil the some' of viij li' g' and demi with the costis and scathis be content and pait til the said Johne fichet or his procuratouris but ony obstacle' reuocacion or demand' made or that may be made be the said thomas symson his ayris executouris or assignais witnes heirof alexander menyes James lesly gilbert the vaus adam of crafurd Wilyam goldsmyth and othiris sindry
Wilyam gray in the name of his wif in amerciament for the wrangwis' strublance and taking fra mage seruitour til alexander rede of xxj s'
thom broune The samen dai thomas symson clamyt thomas browne in Jugement of the wrangwis' putting furth of him of the thrid part of half a schip with the ladyn of the samyn quhilk the said thom simson had in norway / the quhilk action was put til ane assise of worthy personis / and thai riply avisit fand and deliuerit the said thomas browne quite of thom symsonis chalance except thre dens' merkis extendand til xviij s' scottis for the quhilkis xviij s' Alexander chamer of murchil is becumin souerty topay the said thomas symson within terme of law / And anent v crounis clamyt be thomas symson fra the said thom brown / the assise has ordanit / that gif thomas broun has sauld his part of the said schip or quhen scho cumis to the market he sal content and pay thomas symson the said v crownis and tharuppon he sal gif him his obligacion