the balyeis has delayit the action betuix Wilyam goldsmyth and Johne stevinson anens a kettil vnto the morn in sic fourm and effect as this dai with consent of parties / and than the matir tilhaf a finale sentence and end / les than thai can accord tharuppon in the mene tyme
g vaus In the court haldin in the tolbuthe be the ballies of abirdene the xiij dai of the moneth of Julij forsaid gilbert the vaus grantit him awand til James lesly a rydar' of gold of the quhilk the ballies has chargit him tocontent and pay the said James within terme of law
procuratorium rolyn Item the said Johne rolyn has constitute and ordanit thomas symson his procuratour til ask ressaue and optene ful contentacion and payment of his costis and scathis fra Johne fichet / gif if sa be that the certificacion cumis that the said John' fichet sald his part / of the schip and is pait tharfor eftir the fourm of the deliuerence of the assise / and todo and defend for him in that matir as he war bodily present promittand tohald ferm and stable et cetera
The samen dai It was decretit be the court and gevin for dome that Wilyam goldsmyth is cumin til his clame and caus' againnis Johne stevinson of the wrangwise withhaldine fra him of a kettyl because the said John' falyeit in his preif this dai peremptourly assignit tharto and that the said Johne sal content and pay Wilyam goldsmyth of the said kettil or the vail tharof within terme of law
Item William goldsmyth producit in Jugement magnus Wormot anent the price of the said kettil / quhilk sworn declarit / that the preist that sauld the sammyn kettyl sayd til him in his lawte and in verbo sacerdocij that it was sald for xxxj s'