Showing 18591 to 18595 of 30393 results

James lesly in presence of the aldirman and ballies is oblist that quhat tym the aldirman and ballies makis him tohaf iustice of the persons awand thare wattirmalis and dewiteis restand vnpait of the yer' that he was in office gif it happinnis that ser Wilyam achlek cheplan and seruitor to lord erskyn remainnis atour the said tyme / for ilke day that he remainnis in the said James leslyis defaute topay and content til him j croune for his expensis

ID: ARO-6-0813-07, Volume: 6, Page 813, Date: 1483-10-25

The samyn dai the Aldirman grantit him tilhaf ressauit fra Wat of achneve and androw murray eldar in the name of the lard of Drum ten pundis of vsuale monee acht til him be the toune for a stabil gevin be him to the dilating of Sancte nicholace qveyr' / of the quhilkis x li' pait be the forsaidis Walter and androw on the behalf and at the ordinance of the toun the forsaid aldirman is oblist todeliuer' sufficient acquitance to the toune of the said lard of Drum anent the said x li' within iij dais eftir that he cum til abirdene

ID: ARO-6-0813-02, Volume: 6, Page 813, Date: 1483-10-24

acquitancia roberti blindsel The samen dai Robert blindsel grantit him fullely content and pait of the some of thre score of pundis of vsuale monee of scotland and fiftene barrellis of salmond be the aldirman and communite of abirdene in ful contentacion and payment of al costis and expensis made apon the rasing and optenit of a chartir of our Souerane lord the kingis vndir his gret seil grantit of the annullacion and perpetual redeming of the custum of salmond pertening til the said burgh / In the quhilkis somez the toun was bundin til the said robert as mare fullely in actis made tharupon is content / Of the quhilkis somes of money and Salmond the said Robert has dischargit and quitclemit the aldirman and communite of the said burgh now and for evyr in tym tocum before thir witnez James lesly Thomas fife alexander rede Dauid menyes androw murray eldar Walter achneve ser Jhone striuelin notar and vthiris diuers'

ID: ARO-6-0813-03, Volume: 6, Page 813, Date: 1483-10-24

Curia ballivorum tenta in pretorio per ballivos xxv die mensis et annj predictorum

ID: ARO-6-0813-05, Volume: 6, Page 813, Date: 1483-10-25

The samyn dai Androw murray eldar and Wat of achneve borowit x li' fra the aldirman of vsuale money of scotland quhilk soume thai haf oblist thaim topay and deliuer to the said aldirman on alhallow evyn next tocum / and falyeand tharof ten li' g' of the money of flandris

ID: ARO-6-0813-04, Volume: 6, Page 813, Date: 1483-10-24