Curia legalis ballivorum burgi de abirdene tenta in pretorio eiusdem xxij die Septembris anno Dominj et cetera lxxxiijo /
Item eodem die Johannes de Kintor filius et heres quondam gilberti de Kintor protestabatur pro vno annuo redditu xiiijcim solidorum eidem debit' de quadam terra vasta in vico furcarum ut patet in rotulamento primj diei / Ad quam terram accedens nichil reperit distringibile preter terram et lapides quos presentavit in curia tanquam secundo die processus Testibus Jacobo andirson thoma chepman burgensibus et Duncano straloch seriando
Item eodem die Johannes de marr' filius et heres quondam Johannis de marr' burgensis de abirdene protestabatur pro annuo redditu x solidorum de vna terra vasta in vico furcarum Jacente ut patet in rotulamento precedenti ad quam accedens nichil reperit distringibile preter terram et lapides quos presentauit in curia coram ballivis tanquam tercio die huius processus testibus Jacobo andirson thoma chepman et Duncano straloch vno seriendorum burgi
Eodem die Johannes de Ruthirfurd de migvy miles electus fuit ad officium prepositure Et Thomas de fife Willelmus blindsel andreas cullane et Dauid marr' electi fuerunt in officium ballivorum Ac philippus de Dunbrek alexander de camera Moricius besat et Duncanus straloch' electi fuerunt in seriendos pro Anno sequente et ad deseruiendum fideliter in dictis officijs Juramenta prestiterunt corporalia
Item eodem die dictus Johannes de camera capellanus ac procurator Alexandri Irvin de Drum accedens ad barram protestabatur nomine procuratorio quo supra pro vno annuo redditu duarum marcarum eidem domino de Drum hereditarie debit' de quadam terra vasta iacente apud li scule hil ut patet in rotulamentis precedentibus ad quam terram accedens nichil reperit distringibile preter terram et lapides quos presentavit in curia tanquam quarto et peremptorio die huius processus / testibus Johanne scot Johanne barbour alexandro hil et moricio besat seriando / quj quidem procurator peciit a ballivis Judicium dari facere super recuperacione possessionis et proprietatis dicte terre in defectu solucionis annuj redditus antedicti a longo tempore non solut' / et quod debuit habere huiusmodi Judicium porrexit plegium in manu dicti seriendi / et propter debilitatem curie Respectuat' fuit Judicium desuper dand' per ballivos ad proximam curiam legalem et precipitatur parti quod tunc producat cartam seu euidenciam super clameo annuj redditus antedicti