Inquisicio Thomas prat alexander scrogis Johannes de Kintor adam andirson alexander angussone Jacobus Kennarty patricius adamson Dauid spens alanus smyth Walterus quhitbrow et cristinus prat Quj Jurati dicunt quod quondam magister gilbertus lovson frater Dauid lowsone latoris presencium obiit vltimo vestitus et sasitus ut de feodo ad pacem et fidem domini nostri Regis de duabus terris sive tenementis cum pertinenciis iacentibus infra dictum burgum in vico furcarum ex parte orientali eiusdem vici videlicet de vna terra inter terram domini Walteri yung capellani ex parte australi et terram Ricardi young ex boriali parte Et de altera terra iacente inter terram hered' quondam Johannis mathoson ex parte boriali ex vna et terram Willelmi de garuiach ex parte australi partibus ab altera Et quod dictus Dauid est legitimus et propinquior heres eiusdem quondam magistri gilberti fratris suj de dictis terris sive tenementis cum pertinenciis et est legitime etatis Et quod dicte terre cum pertinenciis valent nunc per annum quadraginta solidos monete Scocie et tantum valuerunt tempore pacis Et quod tenetur in capite de domino nostro rege per seruicium burgale et quod nunc existunt in manibus eiusdem domini nostri Regis legitime per seipsum ob mortem dicti quondam magistri gilberti et a tempore obitus eiusdem per spacium vnius mensis aut eocirca in defectu veri heredis Jus suum minime prosequentis
Curia capitalis burgi de Abirdene proxima post festum beati michaelis archangeli tenta in pretorio per balliuos eiusdem sexto die mensis octobris Anno Domini millesimo quadringentesimo octuagesimo tercio quo die sectis vocatis et curia affirmata absentes patent in rotulo sectarum
Quo die subscripti electi fuerunt ad fidele consilium prestandum preposito et ballivis in singulis gubernacionem iusticie et communis vtilitatis burgi concernentibus Commune consilium Alexander chavmer de murchil alexander menyes - Robertus blindsel - Johannes de Knollis - Johannes colisoune Johannes de culane - Dauid symson alexander rede Johannes Wormot - gilbertus Waus - Johannes stevinson - andreas murray senior - Alexander de camera filius - Dauid menyes senior - Jacobus cvmyn - Dauid menyeis iunior - Thomas prat - Johannes Waus iunior Willelmus de Kintor andreas branche - Willelmus more - Johannes stewart Willelmus moyses - alexander nachty - adam andirson Johannes glenmaluin
Eodem die philippus de Dunbrek procurator Willelmi leith de bernis litteratorie constitutus accedens ad barram protestatus fuit pro vno annuo redditu xviijcim denariorum eidem domino de bernis annuatim et hereditarie debit' de quadam vasta terra iacente in vico viridi inter terram Ricardi litstar ex orientali parte et torrentem molendinj ex parte occidentali et domum molendini ex australi parte et viam regiam ex boreali parte Ad quam terram veniens nichil reperit distringibile pro dicto annuo redditu recuperando preter terram et lapides quos presentavit in curia coram ballivis pro primo die huius processus Testibus henrico mortymar henrico lorne et alexandro chavmer seriando
Item eodem die Willelmus andirson filius et heres quondam Jacobi andirson burgensis huius burgi protestabatur pro annuo redditu quatuor solidorum et octo denariorum de quadam terra Jacente in vico viridi inter terram heredum quondam Johannis patirson ex parte boriali / et terram fratrum carmelitarum ex orientali hereditarie et a longo tempore non solut' Ad quam terram accedens nichil reperit distringibile preter terram et lapides quos presentauit in curia coram ballivis tanquam primo die huius processus Testibus Johanne scot alexandro hil burgensibus et Duncano stralogh sergeando