procuratorium The samen dai John' of tulidef the son' of quhilum alexander tulidef and ayr' of vmquhile John' of tulidef burges of abirdene his grantschir' and of marion' strang his grandame comperand befor the aldirman and ballies in Jugement has made constitute and ordanit William of tulidef burges of the said burgh his verray lachful and vnreuocabil procuratour actour and factour' til ask resaue recovir and optene for him and in his name al and sundry gudis and dettis pertening til him heritably or vthirwais in quhaissumeuir handis thai be And gif nede be tocompel and persew the withhaldaris of the said gudis and dettis be censuris of halykirk and vthirwais as law wil / promittand tohald ferm and stable be the fath of his body quhatsumeuir thing the said his procuratour and factour' lachfully ledis tobe done in his name
The samyn dai the action and caus' movit betuix John' of culan and matheus eggard merchand of Danskin anent the peroffering and payment of xij li' of blak money perofferit be androw culan brothir and factour in that part to the said John' to the said matheus / was put to the determinacion of ane assise of thir persons Thomas fife androw branche Wilyam blindsel gilbert morison James craik John' the vaus William moore androw murray yongar Wilyam tulidef William Kyntor and John glenmalvin / quhilkis the gret aith sworn and riply avisit fand and deliuerit be thomas fife forspekar / that the peroffering of the said xij li' suld stand in na payment to the merchandis becaus' it was nocht perofferit to the principale merchand that sald the gude to the ton' / and thai fand that the said androw was na factour til his bruthir
Duncan baxtar for selling of brede for iij d ob'
Item the samen dai It was ordanit be the assise that Dauid spens suld deliuer til fyndlaw fores j brassyn pot and he is in amerciament for the wrangwis halding of the samyn
Item the same dai the assise forsaid ordanit and deliuerit that mage scherar' suld pay til a man of the lard of Johnestonis xxxvij s' of quhite siluer and vj d' that is tosay the inglis grote for ija s' the scottis grote with the croune for xxij d' and the scottis spurrit grot for xvj d' for malt bocht be hir fra the said men