Item eodem die Dauid menyes germanus dicti alexandri Inuenit Jacobum craik plegium legalem quod alexander forbes et thomas chavmer et pars sua erunt indempnes de eo et parte sua aliter quam Jura requirunt
eliote Item the said dai In presence of the aldirman and balyeis in the court It is appointit and accordit betuix Alexander stewart and John' of culan as procuratouris and factouris to James Innes lard of that ilk on theta part / And William elyot francheman of Deip anent xxx li' of the vsual monee of Scotland acht be him to the said lard of Innes / for vj dakir of hidis and iijc skynnis on the tothir part / that is tosay / the said William eliot has deliuerit til the saidis Alexander and John' in the name and on the behalf of the lard of Innes viij pypis of wad in plege of the said some' / And gif the said franchman contentis and pais nocht the forsaid some' of xxx li' in vsuale monee of Scotland to the lard of Innes his procuratouris or factouris be paisch nixt tocum / the saidis viij pypis of wad sal remayn with the lard of Innes as bocht and sald for the forsaid some' of xxx li'
atkyn' / murra The xix dai of Julij the yer' et cetera lxxx In the court haldin in the tolbuthe of abirdene be thomas prat ane of the balyeis of the samyn Johne besat duelland in montros chalansit androw atkyn' as he that hyrit a meyr of his and Androw murra yungar' for the spilling and hurting of hir in the ryding of hir / throu the quhilkis he wantis his mere / and that the saidis persons acht til wprycht and assith him for hir The quhilk wes put to the decision' and knaulage of a sworn' assise / the quhilk assise riply avisit fand and deliuerit be Richard hil forspekar of the assise / that the saidis androw atkyn' and androw murray had done that thai acht todo anent the hyring and ryding of the said mere declarand thaim quyte of the said Johannis chalance tweching the said meyr et cetera
The samen dai before the aldirman and balyeis sittand in Jugement Dauid howison oblisit him be the faith of his body his hand wphaldin til content and pay til thomas prat xij li' xix s' acht be him to the said thomas within a moneth nixt tocum but langar delay
J Wormot The xxj dai of Julij the yer' forsaid the consale of abirdene and diuers' of the gilde of the quhilkis part of thir names ar vndirwritin decretit and deliuerit / that Johne Wormot sal pay his wattir mail for him self and for Johne of Kintor becaus' he fischis his wattir / and nocht hald it for ony clame of det clamyt be him of the aldirman Alexander of chamer / considering that it is ordanit and akit mony yeris bigane / and now affermyt / that na man sal poynd or hald his mail for ony vthir action or clame And thir ar the names of the persons that war present / Alexander menyes John' of marr' John' of Knollis Dauid colison Robert of culan Dauid symson James comyng Alexander rede thomas prat Dauid mathoson gilbert morison Alexander the hay William the hay Johne stewart William blindsel yungar' Edmond louson Dauid marr' Androw Wenton