The xiij dai of Januar' the yer' et cetera lxxxv / gilbert morison grantis him awand til William of abirdour' twa hambre barellis of salmond ful rede and sweit for the tak of the thrid part of a net of the pot on the wattir of Dee Tobe pait til the said Wilyeam at mydsummyr or lammes next tocum at the farrest but langar delay In witnes heirof the said gilbert has subscriuit this present write with his hand / and bundin and oblist him his landis and gudis mouabil and vnmouable to the payment of the said salmond be the fath of his body in the stratast fourm of obligacion I Gylbert morysone manu propria
g vaus' The assise fyndis gilbert the vaus dischargit anent Johne of catnes of xiiij s' for a kyst and clathis that was in it tane for the annuel clamit be the said Jhon' And thai ordane the said gilbert toga til compt and rekning and pay to Jhone of catnes sa fer as he is vnpait of his annuel of termis bigain / and sa fer as the said gilbert can preve pait salbe allowit
The xxj dai of Januar' before William blindsel ane of the ballies James Kennerty and the lady of Derris admittit the persons vndirwritin to depone in the caus' folouand sworn in presence of the parties Johne the vaus first witnes declaris that the twa noblis' layd in wed til James Kennerty be the lady of Derris and him war layd for iij li' and na mare / and na day made to the outgreting of thaim Malcum of murray second witnes sais that he wist na forthir than the ij noblis' war laid in wed for iij li' and the lave of the gold and siluer that scho deliuerit that tym til the said James he tuke in payment
deponis be his aith that he passit twyis' fra the schip til the fischhous' in fyndern for a barel of salmond of alexander sancharis and couthe nocht get it / and thareftir com again for it / and gat twa barellis of salmond in Sande fynlasonis fischhous' and brocht thaim to the schip / bot quha acht thaim he wist nocht
J talyour The xx dai Januar' the yer' of god et cetera lxxxv In the court haldin be the ballies of abirdene in the tolbuthe of the samyn . Johne talyour' was folowit be the aldirman in the kingis name and accusit be the ballies of art and part of the wrangwis' away putting of Jhone of burn . that was attachit and put in the tolbuthe for the bringing of wrangwis' and fenyeit cunye of plakkis within this burgh . the quhilk the said John' talyour with his forspekar' Johne Wormot denyit / and tuke him to the knaulage of ane assis' of thir personis that is to say Robert blindsel Johne of Knollis Dauid menyeis yungar Dauid symson thomas prat William of abirdour androw branche William of Kintor androw culan eldar thom of marr' androw murray eldar Dauid marr' Walter achneve adam of crafurd and John' stewart The quhilk assise the gret aith sworn and riply avisit fand and deliuerit the forsaid John' talyour quyte of al art and part of the away putting of the said Jhon of burn et cetera