W more Thesaid dai William more comperit before the assise chosin apon the action betuix him and William blindsel / and has offerit him tomak it gude sufficently within terme of law / that he has done til William blindsel in the selling of his half last of hidis and in the waring of the samyn that a merchand suld do til ane merchand eftir the tenour of his paper gevin to Wilyeam blindsel tharuppon And becaus' the said William more allegis that his prefis and document in the said matir is beyond the sey / the assise has assignit til him yer' and day to bring the said previs or sufficent document And falyeand tharof the said William more is condampnit in the saide some' clamit be William blindsel
prior carmelitarum Item the samyn dai the court decretit and ordanit that a balye suld pas and gif possessioun to the priour of the frer' carmelitis of twa landis recuverit be him in the hede court eftir yule a yer' bipast eftir the tenour of his process' And the said priour' at the request of the counsale has consentit gif ony procuratouris of Alexander leslyis cumis betuix this and the law dai eftir paisch next tocum topay the annuellis acht of termis bigane of the land pertening til him that thai haf regres to the samen land and grund et cetera
Wilyeam of abirdour' procuratour for Robert steuart has gevin caucion and cumis ful procuratour to tyne and wyn for the said robert / anent al matiris that Jhone the vaus has to folow him of et cetera
Curia Capitalis burgi de Abirdene tenta per balliuos in pretorio eiusdem nono die mensis Januarij anno Domini Mo iiijcmo lxxxvto / quo die curia affirmata et sectis vocatis absentes patent in rotulo sectarum
Item Johne Wormot for him and his fallowis in that part / protestit / that the process' led be the said priour' of the frer' carmelitis wppon the land awand til him and his falouis certane annuel / nor the possession grantit til the said priour' tharof / suld nocht tvrn thare grund annuale to na preiudice in tym cuming