ad iter Camerarii Memorandum quod decimo tercio die mensis marci paulus iuxta Crab iuxta tronum burgi de Abirdene in manibus Willelmi Borthwyk tunc vnius ballivorum dicti burgi extendebat plegium ad iter Camerarii quo exquo falsificauit iudicium de actione mota inter ipsum et thomam spryng quod dictus thomas non debet se intromittere in terris pertinentibus dicto paulo quousque falsificacio illius iudicij fuerit determinata . vlterius virtute dicti plegii Inuenti eciam extendebat per dictum plegium quod dictus thomas debet restituere sibi omnes firmas receptas post falsificacionem dicti iudicij . exquo vt dictum est dicti iudicij falsificacio adhuc non est determinata / testibus ad premissa vocatis per dictum Willelmum tunc balliuum . quod amplius ab eo dictus paulus pro tunc non requirebat nec plegium nec ad premissa duo puncta solummodo extendebat Adam Ada benyn Andrea petrus et Willelmo gleny

ad iter Camerarii Memorandum quod decimo septimo die eiusdem mensis marcij in pretorio burgi de Abirdene accedens coram preposito et communitate in prima sedentibus Alexander May commorans cum domino Comite de Craufurd' pecijt ab aldirmanno et Communitate vnam Cartam perlegi de quodam annuo redditu pertinente quondam Willelmo de Dunbar' de terra quam nunc inhabitat Willelmus scherol vt dicta carta in se plenius continet nunc vt dictus Alexander asseruit pertinente Johanne sponse dicti quondam Willelmi de Dunbar' que Johanna tradidit dicto Alexandro dictam cartam vt ipse de dicto annuo redditu caperet sasinam hereditariam quia sibi concessit dictum annuum redditum in sua pura viduitate et ex sua libera donacione propter causam factam sibi et eciam racione consanguinitatis . vnde dictus Alexander dictam sasinam pecijt secundum copiam dicte carte sibi dari a ballivis Willelmus scherol in eodem pretorio et eodem die existens extendebat plegium ad iter Camerarii . quod dictus Alexander non potuit nec debuit ca sasinam de dicto annuo redditu secundum quod hactenus res se habent Et dictus Alexander dictum plegium recontrariauit

Eodem die thomas spryng recontrariauit plegium Inuentum per paulum Crab vt superius scribitur in omnibus punctis articulis et circumstanciis secundum quod Inuentum fuerat / sic quod non tenetur dimittere suas possessiones propter illium plegium nec firmas receptas reddere Sed quod pacifice stare debeat d in possessione dictarum terrarum et reddituum Vt in feodo suo et hereditate et protestans quod liberacio facta per ipsum paulum Comiti de Craufurd nullius sit valoris nec cedat sibi in preiudicium sue libertatis et vbi dicit quod iudicium est falsificatum non est notum ipsi thome vt dicit . cum steterit in pacifica possessione per vnum annum et magis ut asserit

Curia legali tenta per balliuos vicesimo die mensis marcij Anno quo supra Quo die curia affirmata

Curia legalis capitali tenta per balliuos in die lune post proximo post Dominicam qua cantatur quasi modo geniti Anno Domini et cetera nonogesimo nono . Quo die curia affirmata