Magister Johannes Wrycht in amerciamento quia non venit ad prosequendum plegium quod Inuenit super quendam vocatum patricium commorantem in ly Waterton'

Curia tenta per balliuos tercio die mensis februarii Anno quo supra Quo die curia affirmata

Curia tenta per balliuos vicesimo septimo die mensis februarii Anno quo supra Quo die curia affirmata

Willelmus blyndcele stans ad barram calumpniauit Willelmum Cuk dicens quod inuste iniuste ab eo detinuit vnum dubletum precii viij s' et vnam togam longam precii xx s' Johannes Crab prelocutor dicti Willelmi Cuk negauit wrang and vnlaw concedens quod habuit vnum dubletum et vnam togam datos sibi in vadium per Johannem de brechyn qui tenebatur sibi in xxviij s' et hoc dixit quod probaret . postea . Willelmus blyndsele econtrario dixit asserendo quod dictus Willelmus Cuk dictam togam et dubletum ab eo replegiauit et obligauit se illam togam et dubletum iterum sibi intrare ad suam voluntatem et per plegium extendebat quod sibi dictam togam et dubletum debebat sibi reintrare . Johannes vero crab antedictus dixit quod exquo allegauit ad suam probacionem illa probacio debet precedere . Willelmus blyndcele allegauit in contrarium dicens . quod exquo primum plegium extendebat videlicet quod dictus Willelmus Cuke debebat sibi dicta bona reintrare ex eo quod eadem a se replegiauit quod allegauit probare illa probacio sic falsita per plegium suum prius extens' debet . precedere aliam probacionem allegatam per dictum Johannem Crab . vnde ista actio propter debilitatem curie differtur ad diem lune proximo futuro

Memorandum quod illa controuersia mota inter Thomam spryng et Johannem Wrycht causa deuastacionis cuiusdam terre quam dictus Johannes de eodem thoma tenuit in feodo ad declaracionem et determinacionem communis consilij ex consensu et vnanimi assensu dictorum thome et Johannis bona fide prestita data fuit et commissa . et per idem consilium sic extetit ordinatum quod Idem Johannes Wrycht ipsam terram quam sic vastam et desolatam dimiserat reintraret et inhabitaret et in eodem statu seruaret quo fuit in tempore ante suum recessum in edificiis et ceteris . Eciam quod Idem Johannes firmam de eadem terra debitam ex terminis retroactis eidem thome ex nunc persolueret et Idem thomas dictum Johannem in eadem terra warandizaret vt warandizare tenetur in forma iuris . Super aliis peticionibus et actionibus inter eosdem motis seu hinc inde petendis eligerent ex utraque parte duos probos viros ad quorum determinacionem super premissis dicti thomas et Johannes stabunt firmiter et eorum decreta seruabunt fideliter firmiter in futuris