Willelmus Borthwik accedens obtulit se paratum ad respondendum plegio super ipsum Inuento per thomam strang . quo quidem thoma legittime vocato et non comparente dictus Willelmus extendebat plegium quod quitus fuit a sua calumpnia

Adiungitur Johanni de Abirnethy ad probandum cras . quod equus quem Johannes crab arristauit est Willelmi beset

Assisa leuata super cognicione panis et ceruisie compertum est quod bolla frumenti valet xlij d' et bolla brasij valet iij s'

Thomas halt posuit se in voluntate ballivorum pro dolacione nemorum iniuste

Memorandum de conuencione facta inter dictum Willelmum de strade et Willelmum de camera de key . videlicet quod dictus Willelmus camera de key soluet sine dolo et fraude excepcione vel aliquo strepitu iudiciali dicto Willelmo de strade ante festum pentecostes proximo futuro quatuor marcas Et quantum dictus Willelmus camera spoliauit de edificio suo in quo manet in preiudicium dicti Willelmi de strade restituet infra octo dies . Similiter quantum dictus Willelmus de strade spoliauit de dicto edificio restituet infra prefixum tempus . et ambo obligantur quod ammodo dictum edicium edificium nullatenus spoliabunt . plegius pro Willelmo camera de key Magister Willelmus de camera obtulit deuenire . Willelmus vero de strade refutauit recipere eundem Magistrum Willelmum in dicto plegiagio . propterea Walterus Rede deuenit plegius dicto Willelmo de strade . pro dicto Willelmo camera de key ad dictam conuencionem in omnibus suis punctis et articulis perimplendam . Et dictus Magister Willelmus de camera in plana curia promisit custodire et conseruare dictum Walterum Rede indempnem de dicto plegiagio . Et Willelmus camera de key ibidem obligauit omnes terras ad conseruandum dictum Magistrum Willelmum de camera indempnem de dicto plegiagio quod pro eodem erga dictum Walterum Rede incurrebat .