lesly Cullan The said day the bailyeis assignit friday that nixt cummys to patry lesly to ansuer' to the borgh' fundin one him be Walter cullane for of the maile of ane croft

The said day it was statut and ordanit be the prouost balyeis counsaile and communite representand' the haile body of the towne for the tyme warnit be the hand bel gatherit and circualy inquirit be ormond' lesly officiar that ale personis havand' takis of fischeingis and landis within this burgh' sal pay thar malis yerlie aucht dais befor the chakker thai beand' requirit tharto be the bailye that has pouer to ressaue the said mailis And quhar personis or persone that failyeis and payis nocht thar said mails as said' is sal tyne thar takis and sal nocht be abill to breuk the takis in tyme tocum Apoun' the quhilkis Johnne of mar bailye askit Instrument Befor thir witnes mastir alexander gordone chantour of murray Johnne of cullan Johnne colison' patryk lesly thomas Waus and Wilyam Wormet with vthir diuers' et cetera

The said the Bailyeis assignit monunday that nixt cummys to Wilyam Watsone to produce his preffis and mar witnes betuix him and Johnne cristy anent ane hors debatabile' betuix thame

The said day the bailyeis assignit mononday that nixt cummys to normond' lesly procuratour for Elizibeth lesly to preif that Johnne of Ratre had forgevin the said elizibeth of a termes maile and remittit hir tharof

The said day the borgh' fundyn one patry lesly be Waltir cullane in the Name of elizibeth prat his wif for the wranguis' withhalding fra him of fyfty schillingis of thre termes maile bigan was of nain awaile as it vas strekit