litster burnat The said day Richerd litster graunt that he Ressauit vij elne of say fra androw burnat be litit sad grene And the said androw suld' gif him xxij d' for the elne litting walkit claitht

Red' crak et cetera The said day henry Red' lauchfullie warnit callit and nocht comperit till haue ansuerit to the borgh' fudnin one him be mathow branche and Johne craik for the Releving of thame of vj stanys of woll and ane half at the handis of Symon Ellone' tharfor the bailyeis chargit gilbert prestoun' officiar' to pas and tak ane' stres' of the said henry and lat it to borgh' agane gife It be askit and warne him agane friday the xxj day of this Instant moneth' of februar to ansuer' to the said borgh' as thrid day of proces'

quatuor littere regia producte per magistrum Alexandrum Setoun' James be the grace of god' king of Scottis To the Aldirman and bailyeis of our' burgh' of Aberdene greting fforsamekle' as It is humlie menit and schawin be our louitt clerk mastir Alexander Setoun' That quhar he has bocht ane borrowland' and tenement liand' within our' said burgh' fra george tailyeour and Marioun' Duncansone his' spous and has charter and possessioun' tharof eftir the consuetude of our' burrowis Neuirtheles' certane evill disposit personis vexis and trubullis him and his tenentis his possessioun' of his said land' and tenement to his gret skaith and aganis Justice gif sa be Oure will Is herfor' and We charge yow stratlie and commandis That ye in our name and autorite keip and defend' the said' mastir Alexander in his possessioun' of the said' land' of the said' land and tenement according to his Infeftment gevin to him thairupon' ay and quhill he be lauchfullie callit and ordourlie put tharfray and this ye do as ye will ansuer to wse vpone' the execucioun' of your office deliuering thir' our' lettres be yow dewlie execut' and Indorsat agane to the berar' gevin vnder out' signet At Edinburgh' the fift day of februar' And of our' Regne the xxiij yeire Ex deliberacione dominorum Consilij et cetera

Setoun' arthur' The said day mastir Alexander Setoun' presentit ane lettir of our souerane lordis vndir the signet to gilbert menyeis prowest James collisone and' Walter cullane bailyeis chargeand' thame defend of ane land' bocht fra george tailyeour and marioun' Duncansone his spous' quhill he be ordourlie put thar fray and askit Instrument of me ser Johne stirueling' tharapon' Befor the witnes Johne leslie of Wardris Dauid andirsone mastir gavane leslie patrik chernsid' mastir george tongiltoun' and Richerd Waus

skynner The said day Wilyame skynner' wes conuict be ane suorne' assis' mathow branche forspekar for tribulance of Androw burnet for the quhilk he wes in ane amerciament of the court et cetera And the said Androw quyt of all tribulance of him