Mortymer The said day gilbert Menyeis prouost requirit Androw mortymer coupar Instantlie gif thar was ony personis withtin this burgh' duelland that had offendit to him in word' or deid or had tribulit him his wif barnis or hous' ony maner of wis' And gif thar was ony personis within the tolbutht for the tym that he was planteous' on' Justice suld' be done to him And gif thar was ony man' In the tovne that he was complanteous' on' siclik he suld' caus thame be send' for and he suld' haue Justice of thame Quhilkis Androw being of diuers' tymes requirit be the said prouost and balyeis ansuerit and' said thar was na man' within this burgh' that he was planteous' one except Robert chapman' his gud brodir

Colisoun' Mortymer The said day James colisone bailye complenit to the prouost and bailyeis that is was cumin to his knawleg that Androw mortymer had maid relacioun' and complenit to the lordis that he suld' haue tribulit him and his barnis as he allegeit Requirand' the prouost and bailyeis to caus the said Androw comper befor thame to se gif he had ony thing to say to the said James that he had offendit to him ony manere of wis' he suld vnderlie the decisioun' and knawleg of ane assis' of his nychtbouris quhilk Androw beand requirit be the prouost and bailyeis gif he was complanteous' one the said James / ansuerit and said he was nocht planteous' on' him in na thingis that he had offendit to him nor offendit neuire to him in na tyme bigain

litster burnat The said day Richerd' hennrersone litster grantit that he had ane pece of clath contenyng sevin elne of Androw burnatis skynner quhilkis besouth' the bailyeis to superced' him quhil settirday that nixt cummys to the hamcuming' of his wif and he suld' deliuerit him

Curia Balliuorum de Aberdene tenta In pretorio eiusdem decimoseptimo die mensis februarij Anno et cetera quingentesimo decimo