The saide day Normonde leslie officiar presentit tua par' of Splentis deliuerit and resauit fra Jonhne low smytht to be prisit and Sellit eftir the law of the burghe' that is to say to present thame to the kingis common mercat four' mercat dais and the ferd' mercat day to ger pris' thame be suorne prisaris for the pament of viij s' aucht to Androw litstar Ande thareftir comperit thomas Ridale gilbert prestone and bischoipe quhilkis deponit the gret aithe that thai saw the saide Normonde leslie present the saide tua par splentis to the kingis common mercat of the saide burghe four' mercat lauchfull dais last bigane Ande the last of the saide iiijor mercat dais thai prisit the saide tua par' splentis to iiijor s' for the quhilkis the balyeis chargit the said officiar' to pas and offir the said tua par' splentis to the said Androw for the pament of the said iiij s' that thai war' apprisit for gif the saide Johne Wald' nocht lous' and redemp thame Ande becaus' the saide Johne Walde nocht redempe tham the saide officiar' deliuerit thame to the saide Androw one the said price And' atour the balyeis ordanit him to pas' compele and distrenye the saide Johne and his gudis for the Remanent of the said viij s' and the expensis maid tharapon' and mak the said Androw be content and pait tharof according to Justice

the saide day Alexander coupar grauntit him avande to William boll xxviij s' quhilkis the saide alexander oblist him to pay to Robert hill assignay in that part to the saide William at the fest of Witsonday nixt hereftir

The saide day thome byris lauchfullie warnit callit and nocht comperit tile ansuer to the borghe' fundin one him be Richerde litstar fo the wranguis' withhaldin fra him of xix s' of money eftir the writin in his compt buk tharfor the balyeis chargt Androw nachtj officiar to tak ane stres of the said' thomas and lat it to borghe gif it be askit and warne him to comper one monunday that next cumis to ansuer to the said' borghe

The said' day Sandy brovne grauntit suppos' he said' he suld' tak Jonhne of Ratre be the feit and Jawe his harnes to wale he thocht nocht to do It

Curia balliuorum burgi de abirdene tenta in pretorio eiusdem octauo die mensis marcij anno quo supra