The said' day the prouost ande bailyeis assignit this day xv dais to Williame Rolland' tile ansueir to the borgh' fundin one him be Alexander Cumin of Cultir for the wranguis' withhaldin fra him of ane' brew Caldrovn' extending tile xviij gallovnis or thairby price fifty fif schillingis to gud estimacioun'

The said' day Patry reid' lauchfully warnit callit and nocht comperit tile ansuer to the borgh fundin one him be John Kennerty for the withhalding fra him of half ane' barrel of girls' et cetera Thairfor the bailyeis chargit William scrimgeour sergeand' to tak ane' stres' of the said' patry and lat It to borgh give It be askit and warne the said' patry to this day xv dais as secund' day of proces'

athail Wormet The said' day Williame Wormet lamentabily complenit to the prouost and bailyeis that Robert athail in Kinkorth haid wranguisly tribulit him sayand' oppinly in the comone mercat gait of Abirdene that he had passit our the wattir to Torre with ane tua handit suerd' ande slew ane Woman at the Cowrt of Torre Ande' thaireftir the bailyeis accusit the said' Robert for the said' tribulancis quhilk he denyit ande thareftir the said' Actioun' vas put to the decisioune of thir personis vndirwritin with consent of bath the said' parteis that Is to say James malisone Williame rolland' Dauid fynne Johnne moyr Johnne Kintor Duncane fif Androw brabner Duncane Craik and' Alexander burnet burges of the said' burgh' chosine one ane' assis' Quhilkis riplie auisit the greit aith suorne the rychtis ressonis and' allegacionis rychtis witnes and' prefis of bath the said' parteis hard' sene considerit and vndirstand' ffand and deliuerit be the moutht of the said' James colisone forspekar of the said' assis' al in ane woce concordand' that thai culd' nocht acquyt the said' Robert of the tribulancis of the said Williame sayand' the said' Iniurious' langage as he vas accusit ffor the quhilk he vas in ane' amerciament of the Cowrt tile amend' as law wile and forbeir in tyme to cum and that vas givin for dome be the moutht of William fynne dempstar of the Court And' the said' William Wormet was maid' quyt of al tribulancis of the said' Robert be the said assis'

Curia Balliuorum de Abirdene tenta In pretorio eiusdem decimosexto die mensis Noumbris Anno Dominj et cetera quingentesimo Nono

The said day the borgh' fudnin be Johnne arthour one Johnne Colisone that he wranguisly and aganis the law withheld' fra him xxxiiij s' for sex bollis of salt and aucht till haue pait him the said money or ellis salmond siclik as the said Johnne arthour allgeit he pait to the frauchtman' fra quhome the said salt was boucht was fundin of nane awaile be ane suorne assis' thomas Wod forspekar becaus It was fundin be thame that the said Johnne colison' suld' pay to the said Johne arthour thridpart siluer thridpart hiddis and thridpart salmond to respondand' to the said Sowme siclik as vthiris merchand men' did that had apart of the said salt ffor the quhilkis borgh' strekin wranguisly the said Johnne arthour was in amerciament of the court And the said Johnne colisone chargit to pay the said Johnne eftir the deliuerance of the assis' within terme of law