Copia commissionis Johannis Arthour Vniversis pateat per presentes Nos balliuos Consules et Communitatem Burgj de Abirdene fecisse constituisse et ordinasse necnon tenorem presencium facere constituere et ordinare nostros predilectos burgenses gilbertum menyeis nostrum prepositum Johannem ruthirfurd' militem Johannem Cullane Andream Cullane et Johannem Collisone nostros viros et legittimos commissarios dans et concedens eisdem nostram plenariam potestatem ac mandatum speciale pro nobis et nomine nostro terras nostras de Kingis Wellis cum suis pertinenciis Jacente infra libertatem dicti burgi vicinis nostris pluribus aut firmam dimittere Ceteraque omnia alia et singula faciendum gerendum et excercendum in premisse que facere possesmus Promittens nostros ratum gratum missisij in premisse nomine nostro rite duxerunt faciendum In Cuius rej Testimonium presentibus sigillum nostrum commune est appensum Apud dictum burgum xxjo die mensis maij Anno Dominj millesimo quingentesimo nono

storour vatsone The said' daye thomas storour grantit him awand' in his vifis name xxviij s' and viij d' to Johnne Watsone burges of elgene for malt To be pait within xv dais thareftir

Be It kend' tile ale men be thir present lettres ws prouost bailyeis Counsel ande Communite of Abirdene tile haue set ande to maile lattin ande thir present lettres settis ande to maile lattis tile our lufit nychtbur ande conburges Johnne Arthour ale ande haile our landis of the kingis Wellis witht the pertinence lyande within the fredome of the saide burgh' for ale the termes of five yeiris To be haldin ande haide ale and' haile our said landis witht thair pertinentis to the saide Johnne his ayris ande assignes na gretar thane him self Induellaris the said' burgh witht pastouris lesouris and' with ale vthir ande sindrie fredomis commoditeis asiamentis and' proffitis pertening or may pertene thairto aucht and' Wont as thai ly in linth and' breid' quhile the said' fiwe yeris be fullely runnyne The entray of the said' Johnne salbe In and witht the said landis at the feist of Witsonday the xxvij day of the monetht of maij the yeir of god' jM vC ande nyne yeiris Ande frathinfurth furth to continew in peciabile Josing ande brevking the samyn quhile ale the termes of fiwe yeiris hail ande to giddir be fullely compleit and runnyne but ony Interrupcion or brek of termis or yeiris question' Impediment or demand' of ws or our successouris to be maid' in the contrar The said' Johnne his ayris na gretar thane him self payande yeirly til ws and' our successouris fourty schillingis vsual money of scotland' of penny maile at tua vsuale termes' in the yeir vitsonday and martimes' in vyntir be evinlie porcionis Allanerly for ale vthir and sindrie termes Ande we the said' prouost bailyeis Counsel and' Communite ande our successouris sale warrand' keip ande defend' ale ande haile the said landis of the Kingis Wellis with thir pertinence to the said' Johnne his ayris and assignais na gretar thane him self Induellaris the said' burgh for ale the termes of five yeris as said' Is be al our gudis aganis ale deidly In Witnessing of the quhilkis our comon Seile Is appensit to thir presentis At the said' burgh the xxv day of maij the yeir of god' jM vC ane nyne yeris gilbert menyeis manu propria Johnne Collisoun manu propria Johnne of Cullane Manu propria Andreas Cullane manu propria

Copia assedacionis Willelmi makeson' Molendinarij Be It kende Tile ale ale men be thir present lettrez ws prouost bailyeis Counsel and' Communite of Abirdene with ane' consent and assent tile haue set ande to maile lattin ande be thir present lettrez Settis ande to maile lattis til our louit Wilyeam makesone' mylnar ale and haile our tua Justice myllis with thar pertinence lyand' within the fredome of our said' burgh for ale the termes of sevin yeris To be haldin ande haid ale ande hail our said' tua myllis witht the pertinentis to the saide Wilyeam ande his helpis ane or may na gretar thane him self Induellaris the said' mylnis witht ale ande Sindrie multuris pendiclis' commoditeis asiamentis and' profftitis aucht ande wont pertenyng or maye pertene thairto quhile the said' sevin yeris haile and' togiddir be fullely compleit ande runnyne The Entrey of the said' Wilyeam ande his helpis ane or maye nagretar thane him self salbe in ande witht the said' myllis with thair pertinencis at the feist of witsondaye next and' Inmediat followand' the dait of thir lettres And' frathinfurth to continew in peciable Josing ande brewking the samyn quhile ale the termes of sevin yeris hail ande to giddir be fullely compleit ande runnyne but ony Interrupcion or brek of term or yeiris questioun Impediment or demand' of ws or our successouris to be maid in the Contrair The said' Williame ande his helpis ane or may na gretar thane him self payand' yeirly til ws or our assignais tene merkis vsuale money of scotland' of penny maile at tua vsuale termes in the yeir vitsonday to mertimes in vyntir be evinly porcionis Allanerly for ale vthir thingis that may be askit or requerit tharof Induring the said sevin yeiris And' attour the said' Williame sal sal byg and vpmak one his awin expens' ane malt Cobile ane malt hous' ande the said' tua myllis in ale thingis devlie as efferis Ande sale deliuer thame weile ande sufficiently biggit in ale thingis according thairto to the prouost and' Counsel of the said' burgh for the tyme at the Ischey of his termes of the said' sevin yerires yeiris be the Consideracioun of five perosnis suorn' thairto but fraud' or gile Nocth withtstanding the said' Wilyeam haid tua yeiris tak of the said' tua myllis obefor quhilk is Imput ande Ekit in this assedacioun' And' we sale warrand' keip ande defend' alle ad' hail our said' tua myllis termes of sevin yeir as said' Is aganis ale dedly ale fraude gile secludit and away put In vitnessing of the Quhilkis we haue appensit our common' Seile to this presentis At Abirdene' the sextene day of the moneth of Aprile the yeir of god' jM vC and nyne yeiris et cetera

Be It kend tile ale me be thir present lettres ws prouost baillies counsal and' Communite of Abirdene with ane' consent and assent tile haue set ande to maile lattin ande be thir present lettres settis ande to maile lattis til our louit Androw gordoun' baxtair conburges of the said' burgh ale ande hail our vuyr myln' and neddir myln' with thair pertinentis lyand within the said burgh for ale the termes of sevin yeris To be haldin and haid ale ande hail our dais' tua mylnis with the pertinentis to the said Androw ande his helpis ane or may na gretar thane him self Induellaris of the said' burgh with ale ande sindrie multuris fredomis commoditeis asiamentis ande proffitis pertenand' or may pertene thairto quhile the said' sevin yeris be fullely runnyne The Entray of the said Androw ande his helpis ane' or may salbe in ande with the said' mylnis with thir pertinentis at the feist of Witsonday next and' Immediat eftir following the dait of thir lettres Ande frathinfurth to Continew in peciable Josing ande brewking the samyn ay and quhile the said' termes of sevin yeiris hail and to giddir be fullely compleit ande runnyne but ony Interrupcion or brek of termes or yeiris questioun' Impediment or demand' of ws or our successouris to be maid' in the Contrar The said' Adnrow ande his helpis ane or may payand' yeirly or til ws our successouris or assignez auchtene merkis vsuail monee of scotlande of mail for the said' vuyr myln' and tene merkis vsuail money of scotland' tile our common Clerk of the said' burgh' for the tyme At tua vsuail termes in the yeir Witsonday and mertimes in wyntir be evinly porcionis Allanerly for ale vthir thingis that may be askit or requirit tharof Induring the said sevin yeris Ande Attour the said' Androw sale deliuer the said' tua mylnis weile ande sufficiently biggit In ale thingis according to thaim at the Ischey of the said' termes of vij yeiris to the prouost bailyeis ande Counsel of the said burgh' for the tyme but fraud' or gile and' we the saidis prouost bailyeis Cownsel and' Communite and our successouris sale varrand' keip and' defend' ale ande haile the said' tua mylnis with thir pertinentis to the said' Adnrow and his helpis na gretar thane him self induellaris of the said' burgh for ale the termes of sevin yeiris as said' Is aganis ale deidly Al fraud and' gile away put In witnessing of the quhilkis we haue appensit our Common Seile to thir lettres At Abirdene the sextene day of the moneth of Aprile the yeir of god' jM vC ande nyne yeiris et cetera