Alexander Nore deponit be his aith that he knew nocht how monee barrel Dauid ruthirfurd' laid in the schip Bot he saw him merkand' certane berrellis of flour ande he sperit at Johnne reid or brechin gif thai haid resauit the flour and' thai saide ye except ane barrel that was away bot he wat nocht how mony thair was

Johnne Crag deponit be his aith that he saw nocht ane' berrel of Dauid ruthirfurdis laid in Androw Wausis schip bot he harde the marinaris say that thai haide resauit al his flour bot he knew nocht how mekil and thair was ane barrel tane fra the sergeandis the quhilk thai saide was Alexander noreis and syne It was findin Dauid ruthirfurdis

Androw Waus nichil deponit

Johne Rede nichil deponit

The saide the bailyeis assignit settirday the xxvi day of this Instant moneth of Maij to Johnne litster To ansuer to the borgh fundin one him be Thomas leslie forspekar and procutour for Cristiane Dik for the wranguis' withhalding fra hir of sex eln' of claith' et cetera And' the saide Johnne denyit that he haid ony claith pertenand' to the saide Cristiane And' the said thomas forspekar tuk to preif the said day that the saide claith' was the said Cristianis awin propir gude quhilk the said' thomas previt be famos' vitnes' duelland' in the toun' of Inueroury ffor the quhilk the said' John vas in ane' amerciament and and' Alexander roche dettour to pay to the said' thomas in the name of the said' Cristiane within terme of law