The said day the prouost baillies and Counsaill feit and conducit ser Johnne' fyff for ane yeir to mak continuall gud seruice in singing at all his power in thar paris krik and queir' of the said burgh' in matinis Evinsang mess' completorijs and al vthir singyne seruice in the said kirk ffor the quhilkis thai promittit him fourtj schillingis of thar vthir mylne and ane burges wortht xl s' with his burding circualie as he has now And' gif the said ser Johnne failyeis in his seruice fyve tymes in the monetht he salbe punyst be the prouest vicar' balyeis and Counsale of the saide burghe in his fee as thai think It expedient

The saide day the prouest and balyeis continewit the actioun' persewit be sere Dauid liele chaplane of Sanct elegij altar agane Sandy talyour anent thre termes annuele befor witsonday last bigane and the said' witsonday terme quhile wednisday that next cumis and thane to pas' with him and se him pvnd' for his said' annuell et cetera

The said' day the prouest ballieis and Counsale ordanit the denys of the gilde to gif to ser thomas bynne chaplane four' pundis vsuale money of Scotland' in Augmentacioun' of his fee of this tua yeris bigane for his gude seruice done and to be done as efferis

Curia balliuorum de Aberdene' tenta In pretorio eiusdem quinto die mensis Julij Anno quo supra

ruthirfurd Waus The said day the prouost and bailyeis assignit friday that nixt cummys to Robert Waus to ansuer' to the borgh' fundin on' him be ser Johnne ruthirfurd' knicht And decernit the copy of the said borgh' to the said Robert on' his expensis