hay vxor thamdaill The said day Alexander hay was in amerciament of the court be his avin tong grant for the strublance of Emy the wif of robert thamdaill in the casting out of hir geir out of ane hous' quhilk scho had in tak quhill witsonday that nixt cummys becaus It was referrit to the said Emeis aitht that scho gef nocht command to the said alexander to cast out hir said gudes

mortimer blinseill The saide day the borgh' fundin be thomas leslie forspekar for Elizibeth blinseill his wif one Androue mortimer that he had wrangit in the onefulfilling of the act and' deliuerance maid obefor be ane suorne assis' that he suld' haue cumin one sonday bigane in tyme of the hie mes' within the peris' kirk of the said burgh' in lynnyng clais with ane lous' govne ber fute ande bair hed et cetera with ane candill in his hande contenyng ane pund of vax et cetera And' ask the said Elizibeth or thomas for gevinnez in hir absence for the offens' done to hir quharthroue in lichtleing of the prouest and bailyeis And' in contempcioun' and dissobeying of thar ordinance eftir the tenour of his oblissing be the faitht of his bodie was fundin awaill be thir personis that is to say Dauid menyeis of petfodellis ser Johnne ruthirfurde knicht Alexander gray mathour branche patry rede Malcome crag William futhes William rolland' Dauid Adamson Johnne Arthour Williame Kintor Johnne of Kintor Androw Stevinson Dauid Straloch and Robert Kennerty burges of the said burgh' and suorne in ane assis' with consent of the baitht the said partiis thar rychtis resonis and allegacionis obefor hard' sene and vndirstandin for the quhilk the said Androue was in ane amerciament of the court et cetera Ande aucht to fulfill the said first deliuerance one sonday that nixt cumis and that was gevin for dome

Inquisicio Willelmi clerk Eodem die compertums fuit per Inquisicionem curie quod Willelmus clerk est legitimus et propinquior heres quondam patricij clerk patris suj

The said day the Alderman and baillies assignit mononday that nixt cummis to Robert murray pynour to preif that Andour Jhonsone' was avand' him s' And ordanit the said Androw to compeir the said day to heir the said preiffis takin

The said day the aldirman and bailyeis assignit mononday cum a xv dais the fift day of Junij nixt tocum till Alexander hay till ansueir to the borgh' fundin one him be Richerd hendirsone litster' duelland' in aldabirdene for the wranguis' withhalding fra him of v pundis mair thane ane pip of wad was wortht sellit to him be the said alexander for xj pundis and had ressauit haile pament tharfor quhilk was nocht worth sa mekle' And that he aucht to gif him agan v pundis becaus' the laif of the wad that come at that tyme was sellit for vj pundis to allan litstar Duncan Wawdy and Robert crag