Curia Balliuorum de Aberdene tenta In pretorio eiusdem decimo die mensis Maij Anno dominj et cetera quingentesimo octauo

Boll Waus The said day Williame boll skipper of the barg of the said burgh' Willeame abirdour his clerk Johnne fechat and Johnne reid' was quyt be ane suorn' assis' ser Johnn' forspekar of the wranguis' Intrometting of Richerd Wauss' keling fische being in the said schip And ser Johnne come law borgh' that Willeame boll salbe skathles of Richerd Waus all wais bot as the course of common' law And alexander gray come souerte plegius legalis and law borgh' that the said Richerd salbe skaithles of the said Willeame all wais bot as the course of common' law will

lesly blinsele mortymer' The said day Androu Mortimer was conuikit be ane suorne assis' ser Johnne ruthirfurd' forspekar for the strublance of Elizibetht blinseill for the quhilkis he was in amerciament of the court sic as he aucht to tyne of law And that was gevin for dome And the said Elizibetht quyt of all strublance of hte saide Androue And the sall Androu obilst hyme be the faitht of his bodie' to stand and abid at the deliuerance and ordinance of the said assis' for the amendis to be maid to the said Elizibetht be his hand vphaldin And thareftir the said assis' riplie auisit ordanit the said Androue to cum one sonday that nixt cummys in tyme of the hiemes in his lynning clais' with ane lous' gowne barhed and bairfut with ane candill in his hand contening ane pund' of wax and ask the said Elizibetht and failyeing scho be nocht present thomas lesly hir spous forgevnes for the said offence done to hir and offer' the said candill to the haly blud' licht And gif euire the said Androw happinis to tribull the said Elizibetht thomas hir spous or ony vthir honorable persone And specialie thame that has borne office of the tovne and beis couikit tharof sal pay v merkis to Sanct nicholes werk vnforgevin Alsua the said thomas fand' thomas chamer of quyltis law borrowe plegius legalis that the said Androu mortymer salbe skathles of the said thomas all wais bot as the course of common' law will And the said Androw fand' thomas Wod law borgh' for him that the said thomas and Elizibetht salbe skathles of him all wais bot as the course of common' law And Ilkane of the said partijs ablist thame to keip thar said' borrowis skaithles of the said Souerteis

The said day It was statut and ordanit be the Prouoist baillies and diuers' of the counsaill present for the tyme and' communite that the millaris and takismen of thame sale obserue and keipe the alde Statustis and actis maid obefor that is to say ale the outsukin of the lande takis pertening to the burghe sale cum and gryne thar cornis at the Justice myllis Ande ale the Inhabitantis of this burghe sale grinde ale thar' cornis at the nethir mylle and vuere myllis bat of properte ande accident except' Except' the Induellaris one the west half one the burne discending fra the vuer' myle to the nethir mull quhilkis is annexit to the Justice myllis thar' to grind' thar' cornis and pay thar' multar Ande that the tennentis of the lande takis and the baxtaris ande vthiris Induellaris of the toune sale ger' bring thar cornis to the saide myllis as saide Is and to nayne outmyllis vndir the pane of xl s' of Ilkane persone that brekis this statut' to be appliit to the commone werk of the toune and to pay doubile multar to thar avne myllis quhome to thai ar' assignit Ande that nay baxtar nor vthir persone haue thar' cornez fra the myle quhar thai ar' assignit vndir the pane of xl s' vnforgevin to be pait to the denis of gild' for Reformacion of the key and vthir commone werk of the toune Ande that nay millar' resaue vthiris cornis thane it that is assignit to thame as said' Is vndir the saide pane of xl s' lesuis' thane thai cane nocht be seruit and stede at thar avne myllis assignit to thame Ande or thai pas' with thar corne tile ony myle fra thar avne thai sale Cum to the aldirman or tile ane balye and preiwe Sufficientlie befor thame that thai may nocht be seruit at thar avne myle and ask leif to haue thar cornis to ane vthir myle of the tone for that tyme

Curia Balliuorum de Aberdene tenta In pretorio eiusdem duodecimo die mensis Maij Anno quosupra