The said day gilbert tulideff lauchfully warnit callit and nocht comperit till haue ansuerit at the Instance of Androw gordone and for strublance of him was in amerciament of the court

Statut' anent the resat of beir' and meile et cetera The said' day it was statut and ordanit be the prouest and Counsale that nay persone sale Intromett with beir' meile nor quhet quhile It be deliuerit be the prouest vndir the pand of eschaet of the g' samyn and paing of fiwe merkis vnforgevin

The said' day the balyeis counsale and communite present for the tyme consentit and ordanit the prouest to by the iij schippis with ber' and meile and wittale befor the havin one the samyn price he bocht this schip and thai suld' freithe him tharof and resaue It and pay for the samyn

tulidef The saide day gilbert tulidef lauchfullie warnit and nocht comperit tile ansuer' for trubulance of Androw gordone and having of his corne fra his myllis was in amerciament of the court et cetera

broustaris mercat Spillaris The said' day It was Statut and ordanit be the aldirman and counsale for the common weile of the tone that the wif of Alexander horne the wif James Strathachin the wif of cristy prat the wif Androw bavne the wif Johne flessour the wif of gilbert paule the wif of philp of Kelty margaret litstar Katherine vrchald' the wif of Androw stevart the wif Johne Ra and ale vthiris broustaris and mercat Spillaris sale pay Ilkane of thame tua punde of wax to the haly blud' licht in continent and viij s' for thar vnlawe to the balyeis in continent Ande gif ony of thame commit sic falt In tyme to cum salbe secludit fra brevin and the mercat for ane yer but ony remissioun' quhilkis personis was conuict be ane Suorne assis' for brekin of commone ordinance in the Spilling of the mercat and Selling of aile derrar than the statutis of the tone