The said' day Jonhne mar' one that ane part Ande malcome Crag one that vthir oblist thame be the fathtis of thar bodiis to stand' and abid' at the deliuerance and ordinance of Dauid menyes ser Johne ruthirfurd' and gilbert menyeis anent the clame of ane Croft debatabile betuix thame quhilkis sal deliuer tharintile within viij dais hereftir

The said' day gilbert prestone complenyeit to the aldirman and balyeis that patry leslie hed' trubulit him quhilkis accusit denyit the said' tribulance And' in continent the said' actioun' was put to the decisioun' of ane assis' of thir personis eftir writin that is to say Dauid menyeis gilbert menyeis James Colisone Duncan Colison' William portar patry red' William futhes Richerd' Waus thomas Watsone Androw fyf Johne Ratre Duncane fyf Alexander malysone gilbert litstar and cristy prat quhilkis riplie auisit the richtis resonis and allegacionis of batht the said' partiis herd' seyn' and vndirstandin deliuerit be the moutht of the said' Dauid menyeis that thai coud' nocht deliuer anent the said' trubulance becaus' the moving' and caus' of the said' actioun' concernis the Richt of ane pece of land' in heritage quhilkis the said' patry avnis be the law and Is in vys' of possessioun' of the samyn and consulit the aldirman and balyeis to tak law borrouis of batht the said' partiis

plegij legales Eodem die Johannes mar deuenit plegius legalis per manus sue ostendem quod gilbertus prestone erit Indempnis pro patricio leslie aliter quam per viam Juris Et Andreas fyf deuenit plegius legalis per manus sue ostendem quod dictus patricius erit Indempnis pro prefato gilberto aliter quam per viam Juris et vtraque pars Obligatur ad conseruandum suos plegios Indempnes de huiusmodi fideiussione per manus terras et lona'

to cum and se the saide personis and Justice may be ministerit with Intimacioun' quhethir scho Comper or nocht thai wile proced' and ministir Justice

mathesone Red' The said' day Alexander mathesone complenyet to the aldirman and balyeis that patry Red' hed' tribulit Syme murray and put him out of ane Croft clamit be him in heritage and quhilkis tribulance the said' patry denyit And' in continent thareftir the said' actioun' was put to the decisione of ane assis' et cetera quhilkis riplie auisit the gret athe suorne the richtis resonis' and allegaciounis of batht the said' partiis to giddir with the witnes herd' seyne and vndirstandin deliuerit be the moutht of patry leslie eldar forspekar that thai coud' nocht deliuere anent the said' tribulance quhile the ground' Richt of the said' Croft be decidit quhar' It efferis