chamer Waus The said' day mastir thomas chamer said that Richerd Waus sat in his land' and' pait him nocht a penny this yer bigan' bot It that he pait for the annuell

gib grig The said day Robert gib duelland' in away oblist him be the faitht of his bodie to pay to Johnne grig xl s' ffourty schillingis scottis money tharof tuenty schillingis at Witsonday nixt hereftir And' vthir tuenty s' at yuyll nixt thareftir

Waus mar The said day Robert Waus grantit him awand to Johnne of mar ane half nett quhilkis the bailyes chargit him to pay within terme of lawe

Iruyn Prat The said' day the balyeis assignit this day within xv dais to Alexander Prat to ansuer to the borghe fundin one him be Alexander Iruyn for the wranguis' withhaldin fra him of xlij li' of woll be ane wranguis' wechte with the quhilkis he resauit his wole fra him wif and Alexander blair' et cetera as day of peremptour Ande In likuis' thai assignit to the said' Alexander Iruyn to bring with him Sandy Symsone his mane and Ansuer to the said' Alexander prat anent xvij s' clamit aving him the said' day as day of peremptour with consent of batht the said' partiis'

bernys blak The said' day Richerde bernys one that ane parte Ande margaret blak one that vthir part with Consent of Androw vmfray hir' spous' was oblist and suorne the gret bodelie aithe to stande and abid' at the finale decret and deliuerance of thomas leslie Duncan Crail Jonhne ramsay and Alexander blair' arbitoris and amicabile componitouris chosin betuix thame quhilkis was suorne the gret aithe to giffurtht thar deliuerance and decret in ale and Sindrie debatis clames and contrauersiis debatabile betuix thame betuix this and sonday that next cumis