forstallaris The said' day Jonhne brekoche conuict' be the said' assis' Alexander gray forspekar for forstalling of the burghe' in bying of Skinnis hidis and Regrating and extentit to xv s'

the Redeming of the buthtis fra the ayris of Robert' Cullan The said' day It was fundin and deliuerit be ane Suorne assis' Alexander gray forspekar that Eilzabetht turing the Relict of vmquhile Adam Cullane has lauchfullie Redemyt outquit and lousit the buthtis chop and loftis liand' within the said' burghe wedset tile vmquhile Robert Cullane in the gret land' of Johne Cullanis anent the chakirraw fra the ayris of vmquhile the said' Robert and thar tutoris the said' Elizibetht or thomas laisk hir spous' payand' to the profit of the saide ayris the half of the mertimes maile of the said' buthtis and last bigane Ande atour It was deliuerit that the said' Elizibetht and thomas laysk hir' spous' Sale haue the chartiris ande Instrumentis deliuerit to thame of the annalenacioun' and wedset of the samyn and the Reuersion' to be distroit thareftir

forstallaris The said' day Dauid bannerman was conuict' be ane Suorne assis' Alexander gray forspekar for forstalling of the burghe in bying of Skinnis et cetera extendit to vj s' and viij d'

fyf malison' The said day Duncan fyf grantit him aving to Alexander malysone ane franche Crovne of gold' quhilkis the balyeis chargit him to pay within terme of law

Pyile murray The saide day thome Pyile talyour' was conuict' be ane Suorne assis' alexander gray forspekar for trubulance of Johne of murray for the quhilkis he was in amerciament of the court' et cetera and he sale pay j li' of wax to the haly blud licht