chernsid' Wod' balliuus The saide day thomas Wode ane the balyeis of the said' Complenyet that patry chernsid' hede tribulit him and the said' patry accusit denyit the said tribulance and allegit the said' thomas hed' tribulit him quhilkis he denyit and in continent thareftir the said' actionez' was put to the decisioun' of ane assis' of thir personis follouing with consent of batht the said partiis that is to say Dauid menyeis Jonhne Cullan James Colisone Johne ratre Duncan fyf mathou banche thomas laysk Alexander bannerman Dauid fynne Jonhne Kintor Androw Waus Jonhne arthour' Androw stevinsone thomas Watsone george bysset Androw stratone Williame Kintor Johne meldrum and Williame stile burges of the said' burghe quhilkis riplie avisit the gret aithe Suorne the witnes preuis richtis and allegacionis of batht the said partiis herde seyne and vndirstandin deliuerit ale mane concordand' that thai coud' nocht quyt the said' patry of trubulance of the said' thomas Wod' bailye for the quhilkis he was in amerciament of the court et cetera and tile amend' as law wile and forber' in tyme to Cum Ande atour thai coud nocht acquit the said' thomas of tribulance of the said' patry And' thai fand the prouocacioun' of the said' trubulance of the said' movit in the said patry' chernsid' Ande the aldirman and balyeis ordanit the said' patry to Comper befor him the balyeis and Counsale one friday that next cumis tile mak Amendis to the said' balye quhilk Oblist him to comper the said' hay be his hand' vphaldin

Curia balliuorum burgi de Abirdene tenta In pretorio eiusdem xiij die mensis Januarij anno quo supra

Curia balliuorum burgi de Abirdene tenta in pretorio eiusdem xv die Januarij anno quo supra

chernsid Wod' balliuus The said' day Comperit patrik chernsid' one that ane part Ande thomas Wod' balye on that vthir part oblist thame be the fathtis of thir bodiis to stand' and abid' at the ordinance of the aldirman and Counsale Anent the trubulance done to the saide balye quhilkis riplie auisit ordanit and deliuerit that the said patry sale cum one Sonday that next Cumis in tyme of the hie mes' with ane Candile of wax contening thre li' in his hande ande offir to the hald blud' licht bair' hed' and with his knif dravin in his hand' and deliuerit to the said' thomas be the hest and ask him forgiwnes and ask the aldirman forgiwnes thar in the tovnis name Ande pay xl s' to Sanct nicholes werk vnforgevin for the Offence and trubulance committit to the said' balye

forstallaris The said' day Duncan Wandy was conuict be the said' assis' for forstalling of the burghe' in bying of Skinnis and hidis et cetera and extentit to xx s'