Eodem die Johannes cullan deuenit plegij legales per manus et bona quod Jacobus yong in balheluy erit Indempnis pro alano litstar aliter quam per viam Juris Et thomas Irod plegios legales pro Jure per manus et bona quod dictus allanus erit Indempnis pro dicto Jacobo aliter quam per viam Juris et cetera Et dictos partes obligantur ad releuandum dictos suos plegios per manus et bona et cetera

The said day James younge was conuict' for the tribulance of the burgh' of Abirdene be the said assis' for the quhilk he was in ane amerciament of the court and to amend as law will and' forbeir' in tyme to cum et cetera

The said day Alexander moir was conuict be the said' assis' for tribulance of findelaw Wobstar And' the said findelawe for tribulance of the said Alexander moir ffor the quhilk Ilkane of thame was in ane amerciament of the court And' to amend' as law will and' forbeir in tyme tocum et cetera

the said day the said James yong one that ane part and allan litstar one that vthir part was bindin and' oblist be the faithtis of thar bodijs to stand and' abid at the deliuerance of the assis' befor writin for the tribulance done to the said allan quhilkis riply auisit ordanit the said' James to syt fone one his kne and' ask the said allan forgevnis In presence of the court And' to cum one sanct Johnis day nixt heireftir with ane walx candile in Ilkane hand at sanct Johnne the baptist altar within the paris kirk of the said burgh' at x houris befor none and J ask the prouest in the tovnis Name forgevnes And' the said allan forgevnis for the offence committit to the said toune and' to the said allan And' offir the said candillis to the haly blud licht And his hand to be put in the goif at the will of the said allan

quhit fischeraris The said day Duncan Soutar Androw logy gilbert monrow gelis monrow kelow thome auche and gilbert fraser quhit fischearis was conuict be ane Suorne assis' ser johne ruthirfurd' forspekar for the wranguis' slauchtir of Salmonde fische in the havinmovtht and stoppin of thame to Cum within the wattiris vsuale for fischingis in Dee and Done to gret dampnage and skatht of the assedacionaris and takismen' of the saide wattiris and for the quhilkis Ilkan of thame was in ane Amerciament of the court et cetera and tile amende as law wile and forber in tyme to Cum