The said' day the aldirman and balyeis continevit with consent of the partiis the actioun' debatable betuix thomas buchan and Anny strathachin anent' the clame of ane maser and Ring to the next lauchfule day eftir fastirevin Ande gif Johne of mar' Cumis fra the monetht Ande Duncane Colison' happinis to be at hame Ande falyeing tharof to the next lauchfule day thareftir' quhene the saidz Johne and Duncan beis batht present in siclik forme and effect as It is now
The said' day It was fundin be the ald' lovabile Consuetud' and Rite of the burghe that in the honor of god' and the blissit virgin mary the craftismen' of the samyn in thar' best aray kepit and decretit the processioun' one Candilmes' day yerlie quhilkis alde and louabile consuetude the prouest ballieis and Counsale riplie auisit Ratifi=eit ande appreuit the said' Rit Ande atour statut and ordanit that the saide craftismen' and thar' Successouris Sale perpetualie In tyme to Cum to obserue and keipe the saide processioun' als' honorabily as thai cane Ande thai sale in ordir' to the offering in the play pas' tua and ij to giddir socialie In the first the flessouris barbouris baxtaris Cordinaris skinnaris Couparis wrichtis to giddir hatmakaris and bonatmakaris to gidder walcaris litstaris wobstaris tailyouris goldsmithtis blaksmithtis and hammirmen' And' thir craftismen sale furnys' thir pageantis / the cordonaris the messing' wobstaris and walcaris Symeon' the Smythtis and goldsmithtis iij kingis of cullane the litstaris the Emperour / the masonis' the thre knichtis the talyouris our lady Sanct brid' and Sanct elene Ande the Skynneris the tua bischopis Ande tua of Ilke Craft to pas' with the pageant that thai furnys to keip thar' geir' And' gif ony persone or personis happinnis to failye and breik ony pont befor writin and beis conuict tharof sale pay xl s' to Sanct nicholes werk and the balyeis vnlaw vnforgevin Ande to the Obseruing and keping of the Samyn ale the said' craftismen' was oblist be thar handis vphalding
Curia balliuorum burgi de Abirdene tenta In pretorio eiusdem penultimo die mensis Januarij Anno quo supra
buchane Srathin The saide day Jonhne of mar forspekar for Androw gordon' and Anny strathachin his spous' g said that vmquhile Williame buchane hed' nocht ane maser propir if his avne bot he hed' ane liand' in wed' off Androw Ancroftis
fraser flessour Ranisone The said' day Robert flessour fraser cordoner' grauntit that he hed' bocht fra the relict of Williame ranisone four' dakir of hidis and iiijor od' oxin hidis and resauit the samyn And' tuk to preiwe this day viij dais that he hed' pait hir' for the said' hidis