Curia balliuorum de Abirdene tenta In pretorio eiusdem vicesimo Septimo die mensis Januarij Anno Domini et ceterea quingentesimo Quinto

conductio domini Andree coupar The said' day the aldirman ballieis Counsale and' communite gathtreit be premunicion' of the hand' bell and the officiaris of the said' borghe' for the vphaldin of dyvine seruice to the plesour' of gode the glorious' virgine mary Sanct nicholes thar patrone conducit hyrit ande feit sere Androw Coupar chaplane ande Sangstar to mak personale residence ande continuale seruice within thar' parys kirk and queyr' of the Samyne at mess' matutynis evinsangis Completoriis and ale vthir dyvine seruice at organis and vthirwais at ale his pouer' for ale the days of his lyve as he has done tymes bigane and bettir gif he cane ffor the quhilkis the saidez aldirman balyeis Counsale and communite has grauntit and assignit to the said ser Androw ane annuat pension' of tene pundis sex Schillingis and viij d' for ale the dais of his lyve for his gude seruice to be done as said' Is tharof aucht merkis of the malys of thar vuyr mylne and fyve pundis of thar Rud' malys yerlie Ilkane yer' Nochtwithtstanding quhat tyme It sale happin' the aldirman balyeis Counsale and communite to promoiwe the saide ser Androw tile ony perpetuale chaplanry or seruice within the said' kirk or burghe Thane It salbe lesum to thame to appropir' and tak to thar avne vys' alsmekile of the said' annuat pensione as the valour' of the said' Chaplanry sale happin tile extend' to Ande the said ser Androw oblist him be the fatht of his body the gret aithte Suorne to obserue and keip ale pontis befor writin at his gudlie pouer' Induring his lywe tyme but fraude or gile And' tile help to teche Instruk ande Informe Sangstaris and barnis' to the helping Ande forthiring of goddis seruice vpone the quhilkis thai ordanit to ger mak ane lettir vndir thar common' seile to the saide ser Androw

acquitans domini Johannis ruthirfurd' The said' day the aldirmane ballieis Counsale and Communite warnit be the hand bell ande Officiaris throw the haile towne gathtreit within the tolbutht Ande Circualy Inquerit One thar fre motyve ande wile thar availe in that part Considerit and vndirstandin frelie and opinly dischergit exonerat ande quietclamit thai Richt hartlie louet nychtbior' sere Johne ruthirfurd' knicht his ayris executoris and assignez of ale and Sindry gudis comptis clamys and debatis that euire the said' knicht hed' or Intromettit with or that euire he or thai may be follouit or clammyt pertening to the said' toune for thame thar Successoris ayris executoris ande assignez now and foreuir for his gret thankis and Sted' done to thame

gudlie pouer' Induring his lywe tyme but fraude or gile And' tile help to teche Instruk ande Informe Sangstaris and barnis' to the helping Ande forthiring of goddis seruice vpone the quhilkis thai ordanit to ger mak ane lettir vndir thar common' seile to the saide ser Androw

exoneracio Johannis ruthirfurd' de patronatu altaris beati michaelis The saide day comperit ser Jonhne ruthirfurd knicht befor the aldirman balyeis Counsale and Communite being within the tolbutht of the Samyn Ande thar' for certane Resonabile caus' concerning him frelie purlie and Simplie one his avne fre wile and motiwe nocht choactit compellit Constrenyeit nor' Circumuenit resignit the patronage of Sancte michaelis altar fundit within the parys' kirk of the said burghe in the handis of gilbert menyeis aldirman in the tovnis nayme Ande ale Richt and clayme of richt propirte ande possessioun' quhilkis he hed' or mycht ony wys' haue in and to the saide patronage with the pertinence for him his ayris executoris ande assignez' he quietclamit and dischargit now and for euire Ande gaf the samyne patronage frelie fra him his ayris and Assignez' to the said' hale toune aldirman balyeis Counsale and Communite be ane gluff Perpetualie with thame and thar Successoris to Remane