auchneiwe meldrum The saide day the ballieis chargit Williame scrimgeour officiar to pas' commavnde ande charge Johne of Auchneiwe to vpmak and Reforme his draucht of his forlande in the nethirkirkgat quhilk Is brokin out one the lande of Androw meldrum his nychtbour' quharthrow the saide Androw be Skathtles tharof in tyme cumyn and to Remoiwe his erd' out of the cloys' of the quhilkis the saide Androw Is complanteous' schevin to him and he do nocht he sal recompens' the party the skathtis and dampnage that thai happin to Sustene tharthrow

Scot Collisone Rede The saide day the ballieis ordanit ormonde of leslie and Williame scrimgeor tua of the officiaris of the saide burghe' to pas' and befor Sufficient witnes warne and charge Duncan Colisone to comper befor thame one Wednisday the xxj day of this Instant monetht of maij in the tolbutht Ande Patry Rede thar the saide Duncan to preiwe William Scot pait of xxxviij s' of fraucht aucht to him Ande the saide patry to preiwe xxij s' and ix d' of fraucht pait to the said' William Certifying the saidez Duncan and patry ande thai Comper' nocht thai will put the saide matir to the decisioun' of ane assis' and mak the saide Willam be content of his fraucht Ande gif the saide Duncane and Patry hes ony thing tile folloue the saidez William Justice salbe ministirit to thame as efferis

The saide day thomas sanquhar' of murcroft alexander burnat William Rolland' and Robert flessour at commavnd of ormund leslie William scrimgeor Androw nachtj and gilbert preston' seriandis prisit ane soyr' hors' of sere John' ruthirfirdis to four' merkis present in the mercat of Abirdene one settirday the thrid day of maij instant for xxxv s' and vj d' aving to gilbert menyeis as the first day of process' present in the mercat at commavnd of thomas lesle and patry leslie balyeis Alexander blair' Johne Andirsone Androw meldrum and William rolland' be thar aithis prisit the saide hors' to four' merkis the tende day of the said' montht of maij Johne Ratre William murray ande cristy prat the gret aithe Sourne prisit the saide hors' to four' merkis and demi merk one settirday the xvij day of the saide' monetht of maij

Curia balliuorum burgi de abirdene tenta In pretorio eiusdem xxmo die mensis maij anno quo Supra

Scot Collison' Rede The saide day the court wardit schew for law and It was gevin for dome that Williame scot mastir vndir gode of ane schip callit bonaventour' hed' preuit Sufficientlie that Duncan colysone was aving to him xxxviij s' scottis money and patry Rede xxij s' and ix d' for fraucht