The saide day thomas chamer with george bissat his forspekar fande ane borghe in the handis of ormond' leslie officiar' that margaret Kintor the Relict of vmquhile of chamer wranguislie and agan the law the held' fra him the gudis movable' of arschip pertening to him be deces' of vmquhile chamer his Eme quhilkis the said margaret be hir and Johne of mar' hir forspekar denyit Offering hir to vndirlie the decision' of ane Suorne assis' vnsuspect And' in continent with consent of batht the saide partiis the saide borghe' was put to the determinacioun' of thir personis Robert blinsele Dauy menyeis Johne Cullan Alexander Rede Johne Wormet Androw Cullan James Colison Androw murray / Dauy mar' eldar Richerde Waus eldar William blinsele William Kintor and Robert hay quhilkis suorne in ane assis' riplie auisit the richtis resonis and allegacionis of batht the saide partiis herde seyne and vndirstandin deliuerit and fand' be the moutht of the saide Alexander Rede forspekar of the saide assis' the saide borghe' of nayn' avale for the quhilkis the saide thomas chamer was in ane amerciament of the Court and the said' margaret quyt of his challance of the saide gudis of airschipe

menyes chamer The saide day gilbert menyeis grantit him caciounar for Alexander chamer his fadir in the law for the gudis of airschip pertening to thomas chamer ayr' tile vmquhile William of chamer throw the deces' of the saide William And the ballieis assignit this day xv dais to the saide gilbert to ansuer' to the said' thomas for the saide airschipe According to Justice

g menyeis branche mar' The said day comperit gilbert menyeis at day assingit to him and askit the ballieis thar decret and deliuerance in the actioun' contenit in our Soueran lordis lettres anent the Releving of him of xxvj li' and xvj s' for certane Salt et cetera Ande allegit that mathou branche Sone and ayr' to vmquhile Androw branche and Dauy mar' sone and ayr to vmqhile thomas mar' awe to releiwe of him of the saide Somez quhilkis the saide Mathou and Dauy opinlie denyit Ande in continent thareftir with consent and assent of batht the said partiis chesit thir personis vndir writin Robert blinsel Johne cullane Alexander Rede Johne Wormet Androw Cullan James Colison' Johne mar' Androw murray Dauy mar' eldar patry Rede William blinsele Richerd Waus William Kintor Alexander burnat and Robert hay burges of the saide burghe and causit tham be Suorne and be assessoris to thame and gif tham leill and trew consale in the said' matir quhilkis ripie auisit fande the deposicionis of sere Jhone ruthirfurde knycht vmquhile Androw Cullane and Johne Colisone availe quhilkis hed deponit that the saide gilbert as factour to george eduardsone Sellit certan Salt tharfor the balyeis riplie auisit the richtis resonnis and allegaciounis of batht the said' partiis herde seyne and vndirstandin deliuerit and decretit that the saidez mathow branche and Dauy mar' as ayris to thar said' fadris awe to releiwe and freitht the saide gilbert menyes of the saide xxvj li' and xvj s' at the handis of george eduardsone et cetera

Nidrie Waus The saide day Johne of nydrie lauchfullie warnit callit and nocht comperit to ansuer to the borghe' fundin one him be thomas Waus that quhar he was clerk tile thmas Scottis schip et cetera he aw to ger' deliuer to him ane pece of Rynsche of wyne or ellis fynde him ane dettour et cetera tharfor the ballieis ordanit William Scrimgeor officiar' to pas' and tak ane distres' of the saide Johne and lat it agan to borghe' and it be askit and tak Souerte of him to entir befor tham to morne to ansuer' to the saide borge as secunde day of process'

Nidre Waus The saide day Jonhne nydrie lauchfullie warnit callit and comperit to ansuer' to the borghe' fundin one him be thomas Waus et cetera wald' nocht ansuer' besekand' the balyeis to continew the said borghe' quhile gilbert menyeis war' present tharfor the balyeis assignit and ordanit the officiaris to tak souerte of the saide Johne to comper xx day of the said' monetht of Nouembir to Ansuer to the said' borghe' as thrid' day of process'