The saide day Alexander goldsmitht grantit to releiwe Duncan mar' of vij s' at the handis of Niniane blinsele

The saide day thomas bisset lauchfullie warnit callit and nocht comperit to ansuer' to the borghe' fundin one him be William blinsel for the wranguis' haldin fra him of iiijor franche crovnis et cetera tharfor the balyeis ordanit thomas leslie to entir the said' thomas befor thame one the vigile of Sanct Androw to ansuer to the saide borghe' becaus' he tuk nay Souerte of him to entir the saide day

The said' day it was deliuerit be ane Suorne assis' Johne mar' forspekar that Sandy goldsmitht sal pay to Ninian' blinsele vij s' and quhat werklummys that he coud' preiwe the said' Ninian' takin avay of his suld' be Restorit agan

The saide' day meg hay spous' to William Smitht was conuict be ane suorne assis' Johne mar' forespekar for strubulance of ormond' leslie officiar' in the execucioun' of his office for the quhilkis scho was in ane amerciament of the court et cetera and he quyt of strubulance of the said' margaret for the quhilkis It was deliuerit be the saide assis' that gif euere scho strubulis ony officiar' in tym' to cum and beis conuict tharof sal pay x s' to Sanct nicholes werk vnforgevin and j li' wax to the haly blud' licht

The saide day the ballieis continevit the actioun' of clame of airschip persevit be thomas chavmyr' agane margaret Kintor the Relict of vmquhile William chamer quhile friday the xv day of this Instant monetht of nouembir