The said' day the borgh' fundin be georg bisset one Alexander brabner for the wranguis distructione of ane lofthous' pertenyng to Katherin prat his spous' was fundin of nane awaile be ane suorn' assis' Alexander red' forspekar for the quhilk the said' georg was in ane amerciament of the court and the said' Alexander quyt of his challance

The said day Johnne nyddre burges of montros' was conuict' be ane suorne assis' Alexander red' forspekar for the stribulance of Richerd Waus youngar for the quhilkis he was in ane amerciament of the court and' to amend' as law will et cetera And' the said Richard quyt of ale stribulance of the said' Jhonne' the said' partiis beand oblist to stand' at the ordinance of the said' assis' thai de ordanit the said' Jhonn' to sit done one his kne and beseik the bailyes and' counsaile to pray the said' Richerd' to forgiw the said' Jhonne' And the sad' Jhonne' to pay iij li' of walx to the hale blud licht

Walcar Keminty The said day the bailyes assignit monunday that nixt cumis to James Kennertj and' his wif to cum befor thame for ministracioun of Justice anent the borgh' fundin one hir be patry walcar for the wranguis' withhalding fra him of ane stane of woll demi quarter of heklit lynt ix waris clewis ij wesching tubbis ane Inglis' groit xxtj cartfule of Eldin and' ordnit the sad' James to ansueir to the said' borgh' the said' day becaus he Entirit forspekar for his said' wif and or ellis to Entir hir to ansuer to the samyn

Elizibeth Waus The said day Elspet Waus spous' of patry chirnsid' was conuict be an suorn assis' Johne mar forspekar for Sellin of wyn' witht ane wranguis' poynt for the quhilkis sche was in ane amerciament of the court et cetea and to amend as law will et cetera

Dougles Andirsone The said day Johnne bisset Officiar to my lord' of Abirdene replegit Johnne' Andirsone in the peldsid' to my lord' of Abirdenis court and fand' thome riddaile souerte that Justice salbe ministerit to William Dougles in the said' lordis court betuix this and' yuyll nixt hereftir at the cumin of Androw elphinstone of Selmys bailye to the said' lord' anent ane hors' clamit be the said' William