Eodem die Johannes scherar' tutor et custos altaris beate marie situati in ecclesia parochiali beati Nicholay de Abirdene . protestabatur pro quodam annuo redditu viginti solidorum dicto altari debitorum et exeunt' de illa terra . quam inhabitat Johannes newburg' Jacente in vico castri ex parte boreali eiusdem inter terram Jacobi bowmakar' ex parte orientali et terram philippi filij Johannis ex parte occidentali Ad quam terram veniens nichil reperit distringibile pro dicto annuo redditu preter terram et lapides . quos presentauit in curia tanquam secundo die huius processus testibus Johanne lambynton' et W. Dayntre
Item 3o die de terra beate Marie Johannes Wodman W Dayntre
Eodem die perlectis tribus processibus ductis per thomam Spryng super recuperacione possessionis et proprietatis illius terre Jacentis in vico furcarum ex orientali parte eiusdem inter terram Thome de Dalton' ex parte boreali et terram qui vocatur Daynardis gavile ex parte australi pro defectu solucionis viginti sex solidorum sibi debitorum de eadem terra . et a longis temporibus non solutorum . vnde dictus Thomas peciit a ballivis iuris et iusticie complementum secundum formam sui processus precedentis / et potissime quia tot dilaciones sibi date fuerunt a tempore quo tres processus prescripti fuerunt per eundem thomam legittime prosecuti Tunc ipso Thoma remoto . et hora diei legittime exspectata ac curia diligenter auisata . et ad plenum deliberata decreuit . quod dictus Thomas proprietatem dicte terre legittime recuperauit pro defectu solucionis viginti sex solidorum prenotatorum . et hoc datum fuit pro iudicio per os Johannis filij laurencij iudicatoris curie Teste curia
Ricardus fichet primo die vocatus ad intrandum Mariotam hill' ad sectam Roberti filij Dunccani eandem non intrauit . precipitur seriandis capere districtionem octo solidorum . a . dicto Ricardo et citare ipsum nouiter ad intrandum dictam Mariotam proxima die legali et cetera
Ricardus fichet posuit se in voluntate balliuorum pro perturbacione Roberti . Dunccani . et est ad assisam . pro percussione cum cultello . conuictus pro extractione solum