the said' day the aldirman and balyeis chargit W and ordanit Johne leslie of warderis to Comper befor thame on monunday the sext day of this Instant monetht of June to ansuer to Agnes prat and katherin prat Anent the gudis of airschip clamit be thame be deces' of vmquhile thomas prat thar fadir gevin In In writ Ande discernit the copy of the saide writ to the saide Johne

Johne Duncanson' the priouris of Abirdene and banff The said' day It was deliuerit be ane Suorne assis' Williame blinsele forspekar that Johne Duncanson' Is quyt of ale strubulance hurting and Skathing of ane brovne hors' takin in his corne pertening' to the prior of banff

cheishame serray The saide day the aldirman and balyeis assignit monunday the sext day of this Instant monetht of June to Williame serray litstar to Ansuer' perempturlie to the borghe' fundin one him be William Cheishame that he aw to Releywe him of the fraucht of thre lastis of As' quhilkis his gudis was compellit for and pait for him

Sayfray The saide day the aldirman and balyeis assignit monunday the Sext day of June Instant to Thomas leslie to preyve the vaile of the govne that Wat Safray Intromettit with pertening of airschip to Androw Wobstar ayr' to vmquhill Alexander Wilson' quhilkis govne the said' Walter grantit to deliuer and becaus' It was alterit and maid' in ane womannis govne and worne the said thomas refusit to Ressaue It and Askit the price of It

Ruthirfurd' The saide day Comperit Dauy Ruthirfurd' and offerit him Redy to freithe Johne Crukschank his borghe and to ansuer' tile ony party that Is planteous' one him protestande that his borghe be nocht trubulit nor Inquiet quhile he be new warnit