Johne patirson' The said day gil Jonhne patirsone in his wifis nayme was conuikit be ane Suorne assis' gilbert menyes forspekar for the brokin' of commone ordinance in Selling of ber' for iiij d' the quart for the quhilkis he was in ane Amerciament of the court and to amend' as law will and forber' in tym to Cum

Johne Cuk in stanwod' The said' day Johne Cuk at the chapele of Stanewod' was conuict' be ane Suorne assis' gilbert menyes forspekar for the strubulance of Duncan craik in the avay takin fra him of certan birkis out of the landis pertening to the said' burghe and hevin out of the wod' of the said' burghe and to Amend as law wil and forber' in tym' to Cum

Cullan serray The said' day Jonhne Cullan grantit him pait be William serray litstar of iij li' for his keelhir' of Willekinnis schip the tyme Scho come out of Danskin of the fraucht of certane as' resauit be the said' William assignit to the pament of the said' Johne be the Schipmen of the said' Schip for the tyme

John Cuk The said' day Johne Cuk was conuict' be ane Suorne assis' gilbert menyes for strubulance of Adam Rossall in the avay takin and Resisting of him of certan birkis out of the landis and wode of the said' burghe for the quhilkis he was in Amerciament of the court et cetera and to Amend as law will and forber' in tym' to Cum

The said day Robert hendsone tuk to preive one friday that nixt cumis with Williame chamer Dauid fynne and androw meldrum that he had nocht skathit Johne stevinson in the spilling of a pak of wald' quhilk come hame in mawnis schip