fechat The saide day Jonhne fechat was in ane Amerciament of the court be his avne tunge gravnt for the brekin of common ordinance in selling of beir' for iiij d' the quartar' and to amend' as law will and forber' In tym to cum And' the aldirman and balyeis chargit the saide Johne that he suld' sell nay beir' derrar thane iij d' the quart In tyme to Cum vndir the pane of the Strikin out of the barrellis hedis

stratoun' stevinson' The said day the ballies assignit this day xv dais the thride day of Junij tile androw stevinsone tile ansuer to the borgh' strekit one him be androw stratoun'

Thome cuthtbert Thomas Cuthtbert concordis with the saide sere Alexanderis deposicioun et cetera

deposicio dominum Alexandrum thomson The saide' day sere Alexander thomson' vicar of Strathathin deponit be his aithe Is that Jonet strathin is Williame strathinis' douthir' gottin in matrimonye quhilkis William was brothir german to sere Johne Srathin and berne nerrast befor the saide sere Johne and borne in the tone quher' he duelt et cetera

The said day androw stratoun' come law souerte be his hand vphaldin for alexander gray younger that Rob alexandersone seriand tile alexander crag salbe vnskathit of him vthirwais thane law will And Dauid blinsele come souerte be his hand vphaldin that the said alexander salbe skathtles of the said Rob alexandersone vthirwais than law wil And Ilkan of the said persones at bundin to fre thar borrowis