Curia balliuorum de Abirdene' tenta In pretorio eiusdem decimoquinto die mensis octobris anno quosupra

to alexander prat to preive The said day the Alderman and baillies assignit tuysday that nixt cumis that hew mertsone had Intromettit and tane fra him sex stanis of woll of thome Riddaillis for Williame buchanis dettis

propinacio Regis The saide day It was diuisit and ordanit be the aldirman ballieis and' counsell present for the tyme that thar be fyve stane of wax maid' in torchis and prekatis j dusane li' of scorcheatis And' the wynis of euere taverne best fressast mast plesand' and conuenent be providit bocht and outred' to be gevin tile our' Souerane lordis hienes in ane propine now at his her' cumin passand' to the Justice ayris of Inuernes et cetera Ande thar wynis to be assignit tile our Souerane lordis factouris quhar' it ples' thame best of quhat tavernys and of quhat kyne wynis to resaue at thar' plesour becaus' the wynis coud' nocht be gottin in gret to be gevin in ane propin to his heines Ande to pay this propin of the common' gudis of the tovne

hew mertyson' Ridall and prat the said' day It was sufficientlie preuit be Robert crag and mathow branche that hew mertysone causit ane skouterknap tile Arrest sex peter of woll pertening to thome Ridall for William buchannis dettis and tuk the said' woll fra alexander prat in the campueris quhen it was cumand' to the schipe hamuart in scotland' for the quhilkis wol William Adrianson' skippar of the said' hevis schip and factouris to his gudis was arrestit and persevit be law And' thareftir it wes decretit and ordanit that the said' skippar suld' fynd' Souerte in this burghe to pay and deliuer the said' woll to the said' thomas procuratouris or factouris in the campuer' gif It be vnsellit now at the ourpassinge of the said' Schip And gif the said' woll be sellit to pay him alsmekle' in Abirdene as siclik woll gef beyond' at the hame cumin of the next Schip And the saide skippar fand' Robert crag Souerte to fulfill this ak and he vand' him to freithe him tharanent

Curia balliuorum burgi de Abirdene tenta In pretorio eiusdem xixo die mensis Octobris anno quo Supra