the entiring of sere Johne ruthirfurdis comptis in his office of aldirmanschip the saide day sere Jonhne ruthirfurd' aldirman of abirdene entirit and deliuerit his comptis of the yer' of god jM vc yeris of the gudis and money resavit Ande discharge and expensis tharupone maid' be him And' besocht the tovne till cheys' Auditouris vnsuspect of the best ande worthiast of the tone to be suorne to syt her' consider ande vndirstande his said' comptis Ande gif he beis fundin in the townis det he suld' pay thame Ande gif thai war' aving to him thai sald' pay him Apone the quhilkis the aldirman askit akis and Instrumentis in the tolbutht befor mastir Jasper crannystone parsone of feynesfow sere thomas myrton' parsone of tyry Alexander menyes Dauid menyes Alexander Red' Johne leslie of Warderis thomas leslie Johne of mar' Richard Waus et cetera

Curia balliuorum burgj de Abirdene tenta In pretorio eiusdem vicesimo Octauo die mensis Junij Anno Domini et cetera Quingentesimo primo

Statutum per pestilenciam euitandum The said' day It was Statut and ordanit be the aldirman balyes consal and communite of abirdene representand' the body of the towne that for the Sayfte of the tone fra the plage of pestlence Regnand' that nay persone being in futy salbe tane within the tovne without licence of the aldirman balyes and consal And that the personis that resauis tham in thar' hous' sal ansuer' to the kingis hienes tharapon' vndir the pane of landis lyve and gudis And that euere persone sal cloys' and big thar bakyettis quharthrow thar be nay passage at tham within viij dais hereftir vndir the payne of xl s' vnforgevin to the tovne And' thai sal kep thar foryettis cloys' And' that al personis that ar' cumin out of futy sale without licence of the aldirman the balyes and the tone sal furth with deuoyd the tovne of tham self and thar gudis vndir the pane of byrning of thame one the cheyk with ane byrne yrne And' the balyes sal pas' and tak Inquisicioun of al the personis that ar' cumin out futy without leyf and of the personis that has resat thame And' this statut was proclamit be androw nachtj seriand' at commavnd' of the aldirman and consal at the mercat croice vpon' the quhilkis the aldirman askit Instrument witnes in the said' ak obefor' and vthiris diuersis

thomsone horne The saide day It was deliuerit be ane Suorne assis' patry leslie forspekar that the ak producit be Jonhne thomsone Agan Johne horne making mencion' of the day of his resauing in ane fre burges and brothir of gild' of this burghe was of waill

prepositus Alexander menyes gilbertus the saide day sere Jonhne ruthirfurd' aldirman Alexander menyes and gilbert menyes oblist tham coniunctlie and Seueralie to freithe the ballieis and the tone of xlj li' x s' and v d' resauit of the malys of this yer' to pay the xxxv li' to the lorde erskene that Johne of mar' was aving and for alexander marris wattir maile of his demi nethis fischingis of the Raik of this yer Ande the saide Alexander menyes Oblist him fathtfullie to releyve and freithe the saide knicht and gilbert of the pament of the saide xli li' x s' and v d' thar ayris executouris assigniz et cetera