laurence hay croice the said' day laurence le croice franchman grantit him pait of ale merchandice and gudis aucht to him be Jonhne of Cullane of the quhilkis he dischargit the said Johne his ayris executouris and assignais now and foreuire

Robert moyses deponit that Dauy blinsele gaf j barrel salmond' to his oyst for his costis and he saw him sel j barrel salmond' and gif to Johne franseis the half of the Siluer and hald the tothir demi to him Self And' saw him tak pikill fra Duncan crak to pikill the said' Salmond' with Alexander horne deponit he saw Dauy blinsele tak pikile fra Duncan Crak and pikile iiij barrelis with And' the said' Dauid Intromettit with tham And' the said' Dauid gaf j barrel to his oystes / he sallit j barrel / And' four' barrellis he saw him pikile And' he herd' the said' Dauy say he hed' bene at the vecinty and endit his erandis

pyot myln' The said day It is appoyntit betuix Johne' pyot for Richerd his sone on' that ane part and Wille myln' one that vthir part that the breif of Inquest Raisit be the said Richerd sal pas' tile ane assis' and quhilk of thame that optenis the land sall sal gif ane forbutht to the tothir partj and Infeft him tharintile heretablie be the sicht of gilbert menyes and ser Jhon' stirueling' annuellis and kingis maile fre to the kepin' of the quhilkis butht the said' partiis was oblist be the fathtis of thar' bodiis

blinsell callat The said' day the balyeis continevit the end' of this sex barrelis salmond' clamit be the procuratouris of Robert blinsele quhile the xix day of this Instant monetht and than but delay the said' matir to be determit be caus' Johne callat franchman is to saile his viagis

callat gallicus The said' day the court wardit It was schevin for law ande gevin for dome that Johne callat franchman Is quyt and fre of the clame of Sex barrellis of Salmond' clamyt and persewit apone him be Robert blinsell eftir the deposicionis of certane witnes producit suorne and deponit tharapon'